Duhdawtnak ih pek mi lungawinak capi thawn pehpar in Pope ih thuzirh mi pawl. January 3, 2021

Duhdawtnak ih pek mi lungawinak capi thawn pehpar in Pope ih thuzirh mi pawl.

January 3, 2021

         Pope tinkim hrangah innsungsang cu a thupi zetih ret mi lam a rak hmuh.Cu vekin Pope Francis khal a thupi zet. Curuanah a thuzirh mi pawl a innsungsang thupit lo in Pathian thu sim a cawl dah lo. Pope Francis in a thupi zet mi pahnih parah a mai dungthluntu lam thawn pehpar mi thu zirh nak a rak pek. A pakhat nak cu innsungsang ih pehtlaih nak a si.

         Pope Francis in Pope a can hnuih a thawh mi innsungsang thawn pehpar ih a thuzirh mi pawl cu a thuai lam vek in a si.

May 13, 2015

         Pathian ih luh thei dingin zaangfah a dil rero. Innsungsang sungah pakhat khat a tuah hlan ah "Hi mi ka tuah a si le a lo hnaihnok pang pei maw? Hi mi ka tuah hi na lungkim ko maw?" tii ruah nak dil hniglh hlah uh. Ziangah tile hi vek ih sim nak cu upat nak, duhdawtnak a si. Thitawknak kilhim dingah Poe in a forhfial theu.

Ziangah tile kohhranpi pawl siseh, Puithiam pawl siseh, innsungsang pawl in bawm in an nunram kilhim sak dingah, a thupibik in a bawm ter duh.

January 29, 2018

         Harsatnak pawl ton caan ah thinlung ih thangphok nak ngai a tul. Ziang siar lo ih um men a ngah lo. Ziangah tile thinlung ih thangphok nak dodal ih tuah nak thawngin mai kutsihnak a siatsuah ter ih thluasuah thawn khal in hla ter.Thinlung ih thangphok nak ngai thei dingah cu Puithiam pawl ih lamhruainak, innsungsang lam remdaih ten din mi innsang pawl ih bawm nak, lam hmuhnak le mai thinlung ih thangphok nak cek fel sal a tul. Pope in thitawknak thawn pehpar in a hman lo mi ruahnak, thuzirnak, thil tha lo ih khuhnak pawl nasa zetin a rak mawhthluk.

October 20, 2016

         Kutsihnak a siatsuah tu pawl cu cawl lo in tuah rero a si. Tu lai san ah siatsuahnak tuah dingah milai pawl ih ruahnak sungih a thun lut mi ruah nak pawl a um. Hi siatsuahnak cu hriamhrei tum le fa te thawn tuah mi a si lo. Ruahnak thawi siatsuahawknak hi a si. Curuangah kan nih in cui a sual mi ruahnak pawl ih huapnak thawn hlat dingah mah le mah humhim awk a tul. Pope in tui kum cu Amoris Laetitia (duhdawtnak ih pek mi lungawinak) capi kum ah a than ih cui capi siar, ciing le ruah ding a si. Hi capi cu March 19 ni ah an thok ding a si.

 Hi mi thuthang cu Rome Reports thuthang ih kan ngah mi a si.

Photo courtesy of : Diocese of Camden

https://bit.ly/3pLrutB