Duhhamnak ralring in a thianghlim mi duhdawtnak kai hnget uh tiah Pope in mipi hnenah sim (January 17, 2024)

Duhhamnak ralring in a thianghlim mi duhdawtnak kai hnget uh tiah Pope in mipi hnenah sim (January 17, 2024)

          Duhdawtnak ih thianhlimnak kai hnget in zianghman neih lonak le sal dinhmun ih in hruaitu hamtamnak do uh tiah Pope Francis in ziaza tha thu thawn pehpar in Pathian thu a sim vekin zarhtin a mipi pawl hnenah a rak forhfial.

          A thianghlim mi duhdawtnak thawn nungin hamtamnak ralring uh.

          Pope Francis in tlawngkai nithum ni ah Vatican’s Paul VI Hall ih tuah theu mi mipi pawl thawn tonawknak ah hi ralrin peknak thu a rak sim.

          Harsatnak ruangih kan phunzai lo ahcun duhdawt awknak hi a thianghlim bik mi a si tiah a rak sim.

          Pope Francis in “a duhaw mi pawl ziangah nan duh aw tiih  nan suh le sannak an hmu lo ding. A san um lo in a cem thei lo mi an duhdawtnak thawn tidaan a phunphun in an duhawk.

          Pope ih rak sim mi duhhamnak tih a nun zia pahnih pawl cu milai karlak ah pehtlaihnak a hloral ter ih mi pakhat ciar ih zalennak a long thei ti a si.

          Duhhamnak in a thianghlim mi duhdawtnak ih mawinak zaten a long theh tiah Pope in a rak sim.

          Duhhamnak donak nehnak ah kumkhua thasuah ih zuamnak a cang thei tiah Pope in a rak sim.

          “Ziangahtile duhdawtnak a um lo cun, nunram hi mah te lawng um vek a si,” tiah a rak sim bet.

          Pope Francis in, “kan hrangah a cem thei lo mi Pathian ih duhdawtnak ih mangbangza in hlawm tu duhdawtnak ih mawinak cu kan thinlung sungah man nei ringring hram seh,” tiah a thlacamnak a rak cem ter.

          Vatican website ah Pope in mipi pawl ruahnak a pek mi pawl siar a theih.

          Hi thuthang cu Vatican News ih kan ngah mi a si.