Duhphorh tu pawl ih aw ngai sak dingah Pope Francis in zaangfah a dil.

Duhphorh tu pawl ih aw ngai sak dingah Pope Francis in zaangfah a dil.

         Leilungpi ih ram tampi ah mai ram ih tulsam nak pawl parah an duhphorh nak cu Pope Francis in a theih sak ih leitlun mi pawl nikhat hnu nikhat an siatral rero thu, ram tin ih a cang rero mi ram khel le nunphung remawk lo nak hrekkhat thu a rak sim.

         Duhphorh tu pawl khal in an mah ih tulsam mi pawl cu daiten dil dingah ziang ti vekih buainak le thinheng nak cu hmai ah ret in tuah lo dingah khal a rak forhfial.  Ram hotu pawl hnen le duh a phorh tu pawl hnenih zaangfah a dil hnuah ram upa pawl khal in mai mipi ih dil mi pawl ngai in tuah sak a tul mi le tuah a theih mi an dil nak pawl tuanvo la in silhkhah sak dingah le an mah pawl ih thudik thawn a milh aw mi an dil nak pawl khal silhkhah ding. An mai thil ti thei nak le ram mipi si nakih an caan tha pawl cu zalen zetin upat a tul tiah forhfial nak a rak nei.

Biaknak lam pawlkom pawl forhfial nak

         Ramkhel lamih remdaihnak um lo  mi ram pawl ih mipi pawl, ram hotu pawl hnenih a sim hnu ah Biaknak lam pawlkom pawl khal a rak sim.A dai hrih lo mi dai ter dingih tuah sak thei mi pawl tuah ding, relkhawm a tul thu le thurelkhawmnak tuah sak ding a si tiah a rak sim. Ziangah tile an mah pawl ih Biaknak lam hotu pawl ih sim saknak in remnak a suah ter thei tiah a ti. Hi thuthang cu September 13, 2020 ah Vatican thuthang ih kan ngah mi a si.

Photo courtesy of : ANSA

https://bit.ly/3hByBAf