Europe ih man thangsonak dingah Pope in a sim 10 May 2020

Europe ih man thangsonak dingah Pope in a sim

10 May 2020

          Pope in sunlai Vancung Siangpahrang Bawinu thlacam thehah, leilungpumpi ih kawhhran mipi pawl hnenah online par ihsin thlah nak thu a sim. Cutivekin Europe ih pawlkom tuah dingah Schuman ih thu a suah nak kum (70) a kim ni hminsin nakin Europe ram ih upa hotu pawl le tuanvo nei tu pawl hnenah thu a sim. Cui thu suah mi cu 1950 May 9 kumah lang ter a si.

          Cui thusuah mi parah bun awin Europe ram mipi pawl an lungrual theiih, a veihnih nak leitlun ral pi ih a um zo mi huatawk nak pawl a remdai ih cui a rah pawl cu a tu kanmah in kan co rero a si. Curuangah tuanvo nei tu pawl zaten a forhfial duh mi cu, himi hlan lai thuanthu ih thu suah nak ihsin zir in a tuvekih pulhnat le sumdawn nak ih buainak ton can ah ruah nak thenkhat lawng ret in lungrual ten pahtlang dingah a forhfial. Cui thusuah an lang ter caan ah Europe ram cu a veihnih nak leitlun ralpi ih hriamhma in an zuam rero can a si. Leitlun ralpi a veihnih nak cu kum nga tuan in a cem. Cui thusuah nak cu cui lai ih France ram upa Robert Schuman in a siar ih a tarlang.

          Thusuah mi cu hminsin nak lung pakhat a si. Ziangruangah tile cui ca suah ruangah a tu Europe ramah lungrual in sumdawn nak pawlkom din nak, nunphung lam thanso nak dingih tuah nak pawl a um vivo. Himi tuah nak cu lungrual deuhdeuh ding mi Europe si dingin a hmaisa bik kekar nak a si. A hleice in meihol le steal thil pawl tuah nak cu a sangsang in ral a simi France le Germani ram hrangah a cang thei lo mi a silonan tham theih rori ahcun a cang thei lo mi thil a si thu, cui caan ih thuhman pawl cu phundang zet in a sim bet.

https://bit.ly/2YUQpRb