France ram Nice khua mipawl thawn bang ranten a rak tuar ve thu Pope in lang ter October 29, 2020

France ram Nice khua mipawl thawn bang ranten a rak tuar ve thu Pope in lang ter

October 29, 2020

            Pope in kan dung tlawngkai nili ni ah France ram ih Basilica pakhat a si mi Notre Dame Biakinn ih khawm nak an tuah laiah naam kai tu pakhat ih hnai hnok nak ruangah Biak khawm nakih a tel tu minung 3 that an ton nak thuthawm pehpar aw in Pope in a riahsiat thu le thla a cam sak thu a lang ter.

            Nice Diocese ih Bishop Andre Marceau hnen kuat mi Vatican ih secretary Cardinal Pietro Parolin ih caah Pope in a riah siat thu le tha pek phah in thla a cam sak thu a lang ter. Tui siatsuah nak cu minung thinlung kenglo tu pawl ih tuah nak a si ih mawh um loih khawhram mi thihnak a si. Himi thil tha lo thawn Pope in a tuar mi thu le nasazet in a riah siat ve thu a sim.

            Siat a tongtu innsang pawl zaten Pathian ih hnemnak an ngah thei nak ding le nun nak a cem tu pawl ih thlarau pawl khal Pathian ih zangfah nak an ngah thei nak dingah thla a cam sak thu, hiti vekih hmuhsuam le nasazet ih tuahmawh nak khal a simsiat thu, France ramih Catholic Kawhhran mi  pawl thawm a um thu, lungrual nak thawn humhim aw dingah le France ram kan Bawinu Maria ih humhim nak ah a ap sak thu, Pope ih a mai pek mi thlasuah khal cu hi thu ih siat a tongtu zate par ah thleng hram seh tiah a sim thu,

            Vatican thuthang ih tuanvo nei tu Matteo Bruni khal in Pope in thinnatnak thawn a tongtu innsang pawl thawn nai zetin a um thu, ram mipi pawl lung rual ten that lo nak, cu that nak thawn leh rul dingah, tu dinhmun cu a nasa tuk lai fang asiih hleiah thu buai lai tak caan khal  a si thu, tui ih thil luan tuk le tuah mawh awk nak cun ziangti zawng khal in pom a thei lo thu, hi a cang mi thil cu duhdawt nak (nunnak) cu tuh dingah, Pathian hnenih feh dingah cun thih nak atul thu, asinan kan nih cu raal ti ih ti mi silo in unau suakkhat vekin khat le khat ruat aw dingah, cuti kan ti lawngah duhdawt mi France ram mi dinhmun in lungrual nak thawm neh  nak la in, thilthalo cu thatnak thawn neh dingah tiah asim thu an langter asi. Himi thuthang cu Vatican thuthang in kan ngah mi asi.

Photo courtesy of: ANSA

https://bit.ly/35Sq5ZG