Gaza ih Parish Puithiam in Pope Francis hnen in phone khawhnak veihnih a san thu sim.

Gaza ih Parish Puithiam in Pope Francis hnen in phone khawhnak veihnih a san thu sim.

Pope Francis in Gaza ih um mi Christian mimalte pawl hnenah  Gaza ah ziangti vek dinhmun nan si tin a sut tiah a sim. Parish Priest a si mi Fr Gabriel Romanelli in zarhte ni thok in Pope Francis hnen in phone ih kawhnak veihnih ka dong tin Vatican thuthangah a rak sim. Fr Romanelli cu a tuah Bethlehem ah a um ih amai Parish sung um mi kawhhran mipi pawl thawn an peh thlaih aw theu.

Pope in a  mitu minutes reilo te ah Phone call thawn in ko ih nan mah thawn naite ah ka um ih ka thlacamnakah ka lo ap sak tiah a rak sim.

Fr Romanelli in kap aw lo dingin na dilnak le doawknak zaten , raldonak zaten cawl dingah zaangfah na dil ruangah ka lungawi tiah a rak sim.

Pope in pehbet in a sim mi cu nan mah thawn naite ka um nak ka langter duh, a tuah diocese ih harsatnak pawl a bawm rero tu ka Puithiam pawl le nunphun pawlkom pawl hnenah phone ka ko ding tiah a sim bet.

Gaza tluan ih a um tu  minung 150 ih inn Bom in a siat ih cu mi pawl in himnak hmun an hawl tiah Italy suak Puithiam pakhat in a sim.

Namnuainak cu hmun pakhat a siatsuah thluh thu, a sim nan Christian mi lakah nunnak cemtu le siatsuahnak thu pawl a fel hrih lo thu a sim.

Gaza tluan zate ah October 7 ni ih Hamas pawl ih donak leh rulnak ah Isreal ih dosalnak ruangah tlawngkai nihnih ni tiangah a thi tu 770 luan an um ih hliamtuar tu 4000 an luan tiah an sim.