Germany ram cu Kawhran pawl kom sungah zumnak an nei lo tiin Pope Benedict (26) in sim

Pope Benedict 16 in Germany ram cu Kohhran pawlkom sungah zumnak an nei lo tiin a sim.

Himi hminsin nak cu Pope a cawl zo tu in Germany tong ih suah mi "Herder Korrespondenz" thuthang ah a ngan. Cutivek in tuikum cu Pope Benedict ih Pathian hna a tuan nak kum 70 kim kum khal a si. Hitivek ih a sim nak san cu Kohhran ih phuan mi siizung pawl, ca zir nak tlawng pawl, nunphung hnatuan nak biak nak lam a hram bunmi pawlkom pawl ah biak nak lam bom nak, dinpi nak a hnget lomi mi tampi an tel ruangah dinhmun a phunphun ah Nu Pawlpi ih din nak a cem deuhdeuh. Curuangah a tu ah biak nak lam ruah nak, zumnak hnget lo, a ding fel lo mi pawl hrang zung pakhat ah hna tuan thei dingah a dang ten ret nawn loin Kohhran ih sim rel thei nak a nei tu ih zirh mi pawl hnget zet in a lang ter thei tu pawl hril dingah a thupi tiin a ruat" tiin a ngan.

          Kum 94 a si zo mi Tobias Winstel khal in a hmuh nak cu a tang lam vekin a ngan. Germany ram ih dinhmun sim dingah "Amtskirche" (Institutional Church) (Pawlkom pawl thawn a khat mi Kohhran" tiin a si. Tiduhsan cu Germany ram ah biaknak lam pawlkom pawl a bawm tu fund hawl nak pawlkom daan le pawlkom tampi a um. A tlun ih hman mi Germany ca ih a ti duh san cu "thudik ih dil nak le mah rori zumnak" karlak ih dang lam nak a ti duh san a si. Tiduhsna cu "biaknak lam zum nakih dil nak le sim duh mi" le "mi pakhat khat ih tul nak thawn dil nak" cu danglam zet in a lang ter. German Kohhran ih suah mi thuthan mi tampi parah biaknaklam cu a thupi tuk tiin a pom tu Kohhran mipi pawl in an thlun ding. Curuangah cui thuthan mi tampi cu "Amtskirche" tong fang thawn zoh sal ding. Kohhran pi cu din daan pawl ram cang in, thinlung tak in pekawk nak, sim rel ding mi a umlo sung Kohhran cu zumnak leitlun thawn a hla lai ding.

          Pope in a cawl zo tu thawn thu rel tlang lai khal ah 2011 kum ah Pope tiih Pathian hna a tuan lai ih a suah mi thu pakhat a sim sal. Cumi thu cu 2013 Pope hnatuan ihsin a colh hlan Germany ram ih netabik a feh lai ih thuhla a si. Cui thuhla cu Germany ram nitlak nak thlanglam ih Freibury khuapi, phunsangtlawng pakhat ah thu a rak sim. Cumi a thusim nak sungah Germany Catholic Kohhran cu Kohhran ih kawh nak asimi Pathian hnen pe aw dingah zuam nak hnakin biak nak lam ih hram bun mi pawlkom tampi dinnak ah hna an tuan thu, Kohhran cu leipar lam thu thawn bang aw lo ding a si thu Geman tong "entweltlichte Kircle" kha hmang in mawh a phurh. A tu Herder Korrespondenz thawn an biakawknak ah Pope in culai ih a hman mi German toang "entweltlichte kircle" cu a nasa hrih lo thu cu hnak ih a nasa mi tong hman a tul thu, cumi tong cu an that lo nak thu langter asiih, anmah pawli n an tuah ding mi thu pawl hrangah a tawk hrih lo.

          Cuti tong cu biak nak lam thawn a sai lomi dinhmun pawl sim vek a si. A ngan mi sungah Catholic Kohhran mipi pawl cu Nu Pawlpi ih zirh mi ihsin suak dingah thasuah nak khal ralrin nak a pek. 1982 ihsin Pope tiin hril asi 2005 tiang Nu Pawlpi ih "zirhnak lam zirh mi" zung ih tuanvo nei tu Pope in a cawl zo tu in "biaknak lam zirh nak ihsin suak dingah zuam nak cu a tha lo. Miphun pakhat le Kohhran mipi pawl ih nunram ah neihdingin zirh mi cu nitin lang ter dingmi nunram ihsin suak ding ah tuah lo ding. A ngaingai ah cun himi zirh nak cu a tul deuhdeuh. Pope in a cawl zo tu cu 1951, June 29 Siangbawi can nak a lak hnu Munich ramthen, Gogenhausen khuapi ah Pathian hna a tuan lai ah amah cu "Siangbawi tha le tuu khal tha a si maw tiin amah le mah a ti ngam lo thu, asinan Siangbawi pakhat ih hnatuan thawn pehpar mi pawl zaten a tha bik in a tuah thu" a sim. Himi thuthang cu CNA thuthang ihsin kan don mi a si.  

https://bit.ly/374Tb9j