Haiti ah Catholic Sister pakhat thah tuar tin pope Francis in sim. (June 26, 2022)

pope_francis

Haiti ah Catholic Sister pakhat thah tuar tin pope Francis in sim.

(June 26, 2022)

           Haiti ah Holy Sister, Sister Sr Luisa Dell, orto thahnak a tuar tiah Pope Francis in zarhpi ni Angelus thlacam theh ah a sim. Sister Luisa cu a little sister of the Gospel of Saints  Charles defoucauld in a si ih Haiti ram, Capital, Port-au-Prince ah thah a rak tuar.

          Sr Luisa cu lamzim parih a um mi nauhak pawl tha ten zohkhennak ah rian a tuan ih cui hmunah kum20 a tuan zo tiah June 26, ni ah St. Peter tualrawnah Pope Francis in a sim. A thlarau cu Bawipai hnen thleng dingah le Haiti mipi pawl hmailam caanah daiten an um in tuahmawhnak um lo ten an um theinak ding hrang khal ah thlaza cam tlang uh si tiah a sim bet. Sister Luisa cu midang hrangah a nunnak cu laksawngah a pek. Peh bet in Pope in a sim mi cu Sister Luisa sungkua pawl le a mai Sister pawlkom pawl hnen naite in a um thu a sim.

          Sr Luisa cu kum 64 a si ih Italy, bomlardy ramthen Lucca ah a rak suak. Misual pawl ih donak a tuar veten siizungah an kuat lohli nan a nunnak a rak cem.

 Kan dung kum September thla ah kum 70 a si zo mi Father André Sylvestre cu Bank pakhat ih leng lamah motorcycle parih meithal kai mipawl ih kahnak a rak tong. Meithal kai pawl cun paisa cu an la ngah lo tiah a sim. Haiti cu a dang buainak khal a thlengtheu, a dang tuah cop a si lo mi (natural) siatsuahnak le harhdamnak lam buainak khal a um theu tiah sim.

https://bit.ly/3HV6Ql0

 

Add new comment

12 + 2 =