Hna tampi tuanih thlacam dingin caan pek thei lo cu minung ah a tling tlak lo tiin Pope Francis in sim. June 9, 2021

Hna tampi tuanih thlacam dingin caan pek thei lo cu minung ah a tling tlak lo tiin Pope Francis in sim.

June 9, 2021

            Italy ram ah suanawk a ol zet mi nat sia kham nak a let a let in a um ruangah tui zarh Pope thawn St.Peter tual ih a tong aw tu khawm zawh pawl cu pulh nat a um thok ihsin minung tambik caan  a si. Curuangkhalah Pope cu a hlan hnak in rei deuh in khawm zawh tu pawl nel zet in cibai a rak buk. Amah cu tubaite ih kutsih nak saramentu a sang tu nulepa pawl thawn khal an biak aw. Cui nu le pa pawl in timtuah cia in an keng mi an neih awk nak zuk cauk, an rualpi pawl ih thlacam sak nak cauk pawl cu Pope hnen lethmat an thu ter. Pope hnen ihsin khal hngilh lo nak laksawng an ngah.

            Tlawngkai ni thum tinten tonawk nak cu kumkhat tuan rei cawlh asi hnu thok sal nak a tui tum khat nakah Pope ih a sim ringring mi "thlacam nak" thu cu tui kum neitabik a si thu, curuangah St.Paul ih pek mi thu pawl thlun in "thlacamnak" cu cawl loin tuah thei nak lam a sim fiang. Nitin nunram ah thlacam nak cu cawl loin tuah dingah a ol lo. Asinan a hnok zet mi nitin hnatuan pawl karlak ah thlacam nak in Pathian thawn pehtlaih awk nak cawl lo ding ah a forh fial.

            Hnatuan nak lawngah thinlung ret in, thlacam dingah caan pek thei lo nak cu minung ih tlingtlak lo mi tuah daan a si. Cutivekin mai thlacam nak cu nitin nunnak ah a then thek asile thlacam nak taktak asilo. Thlacam nak cu nitin nunnak thawn a kop lo asile that nak a umlo mi thlacam nak a si. Hman hman in hnatuan pakhat neih nak cu nitin thil cang mi thawn komawk nak a si. Fale tammi innsang cu thlacam dingah tikcu harzet in an la.

            Thlacam nak cu a ol timi ruah nak men in um lo ding. Nauhak pawl, hnatuan, innsang thilri le kum upa pawl inn ih an um asile zing hna hman an tuan lo timi an thei. Khat le khat hrang thlacam ding hngilh hlah. Curuangah kanmah khal amah hrang theih thiam nak thawn kan pehtlaih ding. Himi thuthang cu Rome Report thuthang ihsin kan don mi a si.

Photo courtesy of Rome Reports

https://bit.ly/3cxl0Kt