Hnatuantu pawl cu minung an si. Numbat an si lo! (January 20, 2022)

Hnatuantu pawl cu minung an si. Numbat an si lo!

(January 20, 2022)

          Kan dung tlawngkai nili niah Pope Francis in inn pawl sak rero tu Italy Constructor pawlkom hnenah a rak sim. Cui pawlkom cu 1946 ah an rak din thok ih tui kum ah kum 75 a kim zo. Leitlunhuap ralthawh veihnihnak hlante ah Italy ih thuanthu ruat sal dingah tikcuu remcang a si thu a rak sim.

Hnatuantu pawl man nei zet in ruat aw.

          Tui dinhmun ah hi hnatuannak pawlkom hrangah a har zet. Ruahdaan khal ruat dingah le a mil aw mi hrilnak tuah ding a thupi. Hnatuantu pawl Bible Cathianghlim ih zirhnak thawn mil aw in hnatuantu pawl bawmnak pe thei tu tidaan thawn pehpar in a san vivo a si le pawlkom ih man, zuamawknak, tlaitluannak, tuanvo neihnak, caan reipi tunghmunnak, cin le daan thawn mil awknak, nemhngetnak le himnak pawl khal telh a ngah ding.

          Bible in Bawi Jesuih thuzirhnakah innsaknak pawl khal tel in a thuthangtha minung pawl a rak sim thu, Mithiaghlim Luka ih ngan mi Cathianghlim sungah ruahnak men lawng a si ih hngetkhoh zet ih a dodal tu pawl an si thu, Engineer pawl ih tuah mi pawl cu Cathianghlim sung vekin vunneel parih innsaktu vek si lo ding a tul thu, a thusim mi pawl ngai in a tuahtu cu a hngetkhoh mi leilung parah thuk zet in tthuam lai ih innsaktu thawn a bang awk thu, hi ti saknak cu ruahsannak a um ruangah innsaktu in a ton thei mi tiliannak khal ruat cia in a tuat theh zo.

Zuamawknak le tlaitluannak.

          Pope in zuamawknak le tlaitluannak umnak thuhla a sim ih zuamawknak lawng a daih lo. Zuamawknak ih neh tu lawng in sumdawnnak a hoha ding ti vek a um thei. Cu tikah nunphung pehtlaih ih tuahnak pawl ah tha ten tuahnak a mal vivo. Zuamawknak cu mai hnatuan midang hiip thei dingah, tha deuh dingah a si ih tuk thei dingah, a tul lo mi pawl hrial ding a si lo. Hnatuan ah siseh, sumdawnnak hnatuan hrilnak pawl ah tahthimnakah hnatuan nei lo nak pawl, hna tampi tuan ter duhnak thuhla pawl ah fiang zet ih langternak a um ahcun tuah lo dingin hrial a theih.

Tuanvo neihnak le caan reipi dinnak

          Pope in tuanvo neihnak le caan reipi kilkhawi theinak thuhla a sim. Caan reipi kilhim theinak cu sumdawnnak rem thei sal nak a nei. Innsaknak hnatuan pawl ah mi tampi hrangah humhimnak a um mi thilri pawl hman a tul. Cu vekin hnatuan pawl parah dik lo ih caantha laknak pawl khal hrial a tul.

Cin le daan, diknak le himnak.

          Thuthangtha ih neta lam ah Pope in ‘cin le daan, diknak le himnak’ thuhla a rak sim. Kumdang ah hnatuan ah hnatuantu tampi an nunnak a rak cem. An mah cu number lawng an si lo. Minung pawl an si. Innsaknak hnatuan pawl ah khal cu vekih thil sia ton phah a si theu. Ziang siar lo ih um men a ngah lo. Hnatuannak ih humhimnak ah a um mi a tam tuk tiih ruah le a palh mi ruahnak thawn a thok zo.

          Minung pawl cu lungmankhung dik an si. An mah an um lo le hnatuannak a tluang thei lo. Hnatuan tla a si thiam lo. Sumdawnnak khal a sin awn lo. Humhimnak famkim umnak cu hnatuan tu pawl ih innsungsang ah pumcawm awknak lam daih aw in hawl thei nak tuahnak a si. Hnatuan ih sinak humhim deuhdeuh le hnatuan ih thatnak, mawi nak pawl a tam deuhdeuh. Pope in a thusim mi cu hnatuantu pawl humhim tu St. Josephy hnenih thlacamnak thawn a rak cawl.

          Hi thuthang cu Vatican thuthang ih kan ngah mi a si.

https://bit.ly/3ILNbmL