Jesuh Khrih cu Pa Pathian ih duhdawtnak in hmuh tu tleunak a si. March 14, 2021

Jesuh Khrih cu Pa Pathian ih duhdawtnak in hmuh tu tleunak a si.

March 14, 2021

          Zarhtin, Zarh te ni tinten mipi thawn Angelus thlacamnak ah Pope Francis in Bawi Jesuh cu Pa Pathian ih duhdawtnak in hmuh tu tleunak a si.

          Cui tleunak cu kan hmuah ding thu hlawm phah in a rak sim. Vua tikcu zarhli nak, Zarhpi ni cu Jesuh Khrih ih tleunak ih naih dingah le ngaidamnak dil dingah Pope Francis in Christian pawl hnenah a rak forhfial ih a niam ih sual nak thawn a khat mi  milai pawlkom hrangah a mai pakhat lawng a si mi a Fapa cu laksawng ah a pek nak cu Pathian ih duhdawtnak cu kan mah minung pawl in kan co.

          Hi mi cu Christian pawl hrangah zumnak ih a laifannak le lungawinak thuthangtha khal a si,” tiin a rak hlawm.

          Zarhpi ni ih kan theih mi Bible Catlang pawl par ah bun aw ih simnak ah ruul ih cuk mi pawl damnak ngah ter dingah Moses in nelrawn ramcar ah ruul a khai ve in Jesuh Khrih cu Thinglamtah parih tar a ton ding thu le cui Jesuh Khrih a zum tu pawl cu sualnak in a dam ter ih a thianfai ter hnu ah an nun ding thu, Jesuh Khrih cu thimnak a dodal tu khua tleunak a si thu, Nichodimus ih a rak hmuh vek in “thimnak a hril tu cu thuthennak a tuar ding.

          Tleunak a hril tu cu rundamnak ah a thleng ding. A tha lo mi daan a thlun tu pawl cu thimnak a hawl tu pawl an si ih thudik, thuhman hawl in thil tha a thlun tu pawl cu tleunak ih an thlen ding thu, tleunak an hmuh thu, Jesuh Khrih ih tleunak ah nuntu khuasak dingah, Jesuh Khrih ih tleunak cu kan ruahnak sungah cohlang in thinlung pawl ong in Pathian ih thatnak, tangdornak thawn a khat mi zaangfah lainatnak le a cem thei lo mi duhdawtnak pawl cu in thei ter ih kan nih cu kawhnak a ngah tu pawl kan si.

          “Pathian cu ngaithiam kan dil tin ten in ngaithiam tu Bawi a si” tiah sim phah in a thusim a rak cawl.

          Hi mi thuthang cu Vatican thuthang ih kan ngah mi a si.

https://bit.ly/314EAYJ