"Kanmah pawl cu sangphut a thoter theitu thilnu si dingah kawh mi kan si" tiin Pope in sim October 22, 2021

"Kanmah pawl cu sangphut a thoter theitu thilnu si dingah kawh mi kan si" tiin Pope in sim

October 22, 2021

              Italy Catholic nunphung pawlkom ih zarhkhat sung tonawknak program cu kan dung tlawngkai ni liah theh asi zo. Cui tonawknak cu Italy thlanglam ih tikap khuapi asimi Taranto ah tuah  a si. Tuitum cu avei 49 nak a si. Tuitum tonawknak ih thuluu cu "kan ruahsan mi tlolak (boruak), kiangkap, hnatuan, hmailam thil pawl zaten pehparawknak a um" tiin a si. Himi tonawk nak program ah a tel tu pawl hnen Pope in a tui caan ih dinhmun a sim. Himi program cu October 21 ihsin 24 tiang tuah a si.

Thlengnak

              Pope cu thuthangtha a sim nak ah himi pawlkom ih tonawkih thureltlang nak program cu harhdamnak a siat ter tu pulhnat sia le nunphung buaibainak ton caan a si thu, curuangah himi dinhmun hi mah thawn a sai lo vekin to men in zohnuam tiih zoh mennak cu pawlkom thawn siseh, midang thawn a pehpar mi thil pawl cu ziang ih rel loin um a ngah lo. Kanmah pawl cu sangphut a tho ter thei tu thilnu vek si dingah kawh kan si.

              Pulhnat sia cu minung pawl ziang tinkim tuah theinak kannei timi ruah nak tha lo a siat suah. Cutivekin rikhiah mi khal a lan. Ziangvek kiangkap phun khal siseh lut in a buai ter. Himi dinhmun ah Pope in kiangkap thawn pehpar mi thleng nak zangfah a dil. Thiang Thlarau ih lam hruainak kha hmuak dingah, mi farah zonzai pawl, hnon tuar, beidong  pawl, um daan tha lomi nunphung pawl ih tah nak aw khal ngai dingah Pope Francis cu Catholic mipi pawl hnen "lam hmuhnak hminsinnak" pakhat a hmuh.

Fehvahnak ih ton mi pawl ralring dingah

               Fehvahnak ih ton mi pawl ralring aw. Thenkhat cu beidong za a si. Ahleice in mino pawl cu mai khua le ram kha tan lo thei lo in tan in ramdangah hna tuan nei lo nak, hmuhsuam ih a miat tuah nak pawl khal a um. Pulhnat sia ruangah hnatuan nei loih a um tu nunau pawl khal an um. Thenkhat cu nu nunram thawn thiam nal mi hnatuan pa khat khat ahleice in hril ding dinhmun a tong tu nunau pawl, hnatuan ih covo a nei lo tu pawl, mi zonzai pawl, vainak hmun ih um tu pawl ih hmuak nak a co lo tu pawl, mah te a pak mi pawl, leiba sungih a um tu innsang pawl, paisa thap ih lek nak, nuntu ziaza sia, Mafia pawl ih kaih tuar nak, meisa kang nak ih harsat tuar pawl an um.

              A dam lemlo mi kum upa, mino, nauhak pawl, hnatuan tha lo pawl paisa pe in fial tuar nak, a him lo mi dinhmun ah hnatuan rero tu pawl khal an um. Hitivek dinhmun ah kanmah pawl cu kanmah thawn sai lovekin um a ngah lo. Anmah pawl cu kan unau pawl an si. Anmah hrang khalah Bawi Jesuh Thinglamta par ah thah nak a tuar ih, a tho sal. Thiang Thlarau Pathian ih tleu nak ruangah harsat tuar tu pawl ih ruahsan nak famkim dingah thla ka cam sak.

Cangvaihnak thawn um ringring aw.

              Pope Francis ih a pahnihnak lam hmuh mi cu "cawl lo dingah" a si. Bang nak ruangah, asilole sawm nak pawl ruangah hnatuan ihsin colhnak, suak nak cu Gospel thuthangtha a ziam ter. Himi dinhmun thawn a pial aw mi thu cu Pathian ih duhdawt nak a cawl lo. Kannih khal cawl lo dingah tha in pe. Ruahsannak  cu a cangvai ringring. Vesmen thleng nak khan sung lawngah na caan cem ter hlah. Duhnak a bang aw mi pawl thawn mahlemah dangten um lo dingah, cupawl ih thu sung lawngah um hlah. Thil tha lo pial dingah tumtah in Khristian pawl cu lamzin tekah cawl lo ding. Pahsuak in rundamnak pe tu a dang caantha thar pek ding. Tahthimnak ah fimthiamnak thar, sumdawnnak thar siseh a tha deuh mi leilungpi le thiltha pek thei a si lole thangso tiin ti a theih lo. Kanmah pawl cu thiltha lo tuah nak pawl do dingah le do ral dingah kan tih lo. Cutivekin thil tah vorh ding khal ah kan tih lo.

Mi tampi that nak hrangah nuntudaan thleng aw.

              Pope ih a pathumnak lam hmuh mi cu ruahsannak cu kan fehnak lam a rem thei timi thei dingah a si. Hmuhton mi buainak felfai ter dingah thil pakhat khat tuah a theih. Ahleice ih tul mi cu thleng duh nak thinlung a si. Cui thleng duh nak thinlung cu kiangkap lawng that nak a pe asilo. Minung kiangkap mawi nak khal that nak a tam ter. Thinlung nuam ter nak a si. Thleng aw ih thangsonakih tuah daan cu a ol zawng hawl in a him mi pawl kilhim bet nak siloin a har ding. A rei khal a rei thei men. Asinan ngah mi thatnak cu na hrang lawngah asilo. Hmailam mi pawl tiang nuam ter nak thleng awk nak tuah dingah ngah ding a si. Hitivekin tuah asile kan zaten kan ruahsan mi tlolak (boruak) kan tuah thei ding. Cui tlolak cu thurelkhawmnak nunphungpi a huap dingih, remdaih nak ni thar ngah a si ding. Hnatuan khal hnatuan tu sinak a tam ter. Sersiam nak ih kutthiam a kilhim sak. Leilungpi um daan lam ah a hla nan a khawm ding. Hitivekih a sinak cu mitampi thatnak hrangah ruah khawm a si ruangah a si. Himi thuthang cu Vatican thuthang ihsin kan don mi a si.

https://bit.ly/3GkRzsA