Kawlram mipi pawl hngilh lo dingah Pope in leitlunhuap pawlkom hnen zaangfah dil. (June 19, 2022)

Kawlram mipi pawl hngilh lo dingah Pope in leitlunhuap pawlkom hnen zaangfah dil.

(June 19, 2022)

         Pope Francis in February, 2021 ihsin ralkap ih thuneihnak lonnak a thok ih tu tiang a tuar rero lai tu Kawlram mipi pawl hngilh lo dingah zaangfah a dil. Pope Francis in February 01, 2021 ah ralkap in thuneihnak a lawn hnu ah a rak cang mi tuahmawhnak pawl le inn le lo nei lo mi Kawlram pawl ngaihsak dingah leitlunhuap pawlkom hnenah Zarhpi ni ah a rak sawm.

         Angelus thlacamnak theh ah Pope in “Kawlram mipi pawl hngilh lo dingah ram tinkim pawlkom hnen Bishop pawl ih zaangfah dilnak ah a rak tel ih an milai sinak le an nunram covo upat dingah, biaknak hmun pawl, siizung pawl, tlawnginn pawl tel in a rak sim. Tui Zarh ah Kawlram ih Catholic Bishop pawl in an mai thurelkhawmnak ih netabik thusuah mi ah ram ih ramsung ralbuainak a tuar rero tu ram mipi pawl ih harsatnak thu a thinphannak an rak langter.

         ‘Milai sinak le nunkhuasaknak ziang tik hman ah bal a ngah lo. Milai nunnak le sinak upat dingah harsatnak tinkim parah zaangfah an dil. Biaknak hmun pawl, siizung pawl, tlawnginn pawl upat dingah thinlung tak in zaangfah a rak dil.

Minung 800,000 in ral an tlan (umnak an tthawn)

         Acozah si lo mi pawlkom pawl ih tarlang mi vek a si le February 01, 2021 ah ralkap in thuneihnak a lawn ihsin ram mipi 1,900 luan thah an tuar ih 11,000 hrawng kaih an tuar. A thar ih hril mi NDL party cu hrilawknak dik lo tiah a hngetkhoh zet mi thuhla thawn a nam thlak. UN in mi harsa pawl thawn pehpar mi zungah ramsung raltlan mipum 800,000 luan an um tiah a than. Cui hlei ah Kawlram Tatmadaw in Christian Biakinn pawl le an tlawnginn pawl an hmuitin tiah thuthang a um. Pope Francis in tui ni ih Italy ram ih um Kawlram pawlkom hnenih a thlasuah thleng dingah zaangfah dil phah in a thusim a rak cawl.

         Hi thuthang cu Vatican thuthang ih kan ngah mi a si.