Kawlram mipi pawl le raltlan ih harsat tuar pawl bom dingah Pope Francis in sim. June 20, 2021

Kawlram mipi pawl le raltlan ih harsat tuar pawl bom dingah Pope Francis in sim.
June 20, 2021

            Kawlram mipi pawl le raltlan pawl thinlung thiang ten bom dingah Myanmar Catholic Bishop pawl thawn Pope Francis in zangfah a dil. Pope cu ma ni "Angelus" sunlai thlacam nak theh ah "Kawlram mipi pawl le raltlan mipi pawl thinlung thiang te thawn bom dingah" Myanmar Catholic Bishop pawl thawn thupi zet in ret in a sim. Ziangruangahtile thawng tampi raltlan mipi pawl an um nak ihsin an tlan ih, an in ei ding khal a cem ruangah rilrawng an tuar.

            Myanmar Catholic Bishop pawl khal in kumtin thurelkhawm nak theh ah ralbuai nak a tong tu mipi pawl, raltlan pawl hrang zangfah nak thawn bom nak pawl ngah dingah an sim. Biak nak lam thilri asimi Biak inn pawl, Purang pawl, Siangbawi tlawng pawl, Muslim pawl ih an pathian biak nak pawl (Mosques), tlawng pawl, siizung pawl ah raltlan pawl an relh nak asi ruangah remdiah nak zung tiin upat dingah khal an dil.

            Pope in Bawi Jesuh thinlung cu mi tinkim ih thinlung tong in Myanmar ram ah remdiah nak a zamrang bik in keng hram seh. Tui ni cu ramtin harsa pawl le a vai tu pawl ni a si thu, himi ni hrangah tui kum thulu cu "hmunkhat ten dam ter cio uh, zir cio uh, tleu ter uh" timi a si thu, harsat tuar pawl kha thinlung thiang nei in an lungawi nak, nat nak an tuar nak pawl tawm ve dingah, cutivek har nak karlak ah raltha zet in khat le khat upat awk thiam in innsang din ding ah ruah nak thinlung zir cio uh" tiin a rak forh fial. Himi thuthang cu Vatican thuthang ihsin kan don mi a si.

Photo courtesy of the original owner 

https://bit.ly/3j0cqbg