Kazakhstan ram Pope ih khualtlawnnak cu ‘remdaihnak reltlang in lungrualnak hawlnak’ khualtlawnnak a si tiah sim. (September 14,2022)

pope_ih_kanzastan_a_khual_tlawnnak_cu_ramdaihnak_rel_tlang_dingah_lungrualnak_hawl_dingah_a_si_tiah_sim

Kazakhstan ram Pope ih khualtlawnnak cu ‘remdaihnak reltlang in lungrualnak hawlnak’ khualtlawnnak a si tiah sim.

(September 14,2022)

          Pope Francis in Kazakhstan ram thuneitu pawl, cui hmun pawlkom pawl, ram palai pawlkom pawl thawn an tonawknak ah Nur-Sultan ih a rak thlennak ruangah a lungawi thu, hi khualtlawnnak cu remdaihnak thu reltlang dingah lungrualnak thawn hawlnak khualtlawnnak a si thu September 13 ah a rak sim. Pope Francis Kazakhstan ram a tlawnnak cu vei (7) nak leitlunhuap biaknak phunphun hotu pawl ih congress ih tel dingah khal a si.

          Pope ih khualtlawnnak cu September (13-16) tiang a si. A mah in leilugpi dinhmun in remdaihnak cu ap aw ih tuan cio dingah a rak forhfial. Nuclear hriamhrei cohlang lo in tlaitluang zetin rak cohlang lo tu Kazakhstan ram ih dinnak ah a lunghmui thu, ram thansonak hrangah carbon hmannak hnak in a thianghlim mi thazaang hrampi an hman ding thu a thei ih a lungawi thu, remdaihnak ngah dingah cun rualremnak tel lo theih lo ih tel tul mi a si thu, leitlunhuap biaknak phunphun hotu pawl hnenah khal rualremnak umnak, thuanthu ah ziangtin an rak tuan thu, cin le daan ziangtin a um thu hawl dingah a rak forhfial.

         Pope in Kazakhstan ram ih thlatang le thaalcaan ih kalhaw mi nikhua dinhmun cu dombra (Kazakhstan ram hri pahnih vun mi awn-mawi tumnak phun) sirhsan in tu tikcu le thuanthu sungtel khuapi pawl ih rualremnak a rak sim fiang. Asia le Europe a pek rero thu continent pahnih ih tuanvo a pehtlaih sak rero thu, Pope in dombra sirhsan in a bang aw lo mi um rero nak ih hminsinnak a si tiah a sim. Hri pahnih sungin pakhat cu a liam zo mi siseh, a dang pakhat cu a cang hrih lo mi a sirhsan ih mifim pawl ih sim mi sim phah in an tum thu, Kazakhstan ram cu miphun an kim. Nunphung a kim. Biaknak a kim. Tonawknak ram pakhat a si. Ram sungah miphun zaten 550 an um ih tong 80 lenglo a um tiah an sim.

          Pope in zumnak bang aw lo mi biaknak khat le khat thureltlangnak cu ruahsannak thlaici mipi nunphung pawlkom ih vorh mi a si thu, ram sungih umnak cu tonawknak a thupit vekin a thupi dinhmun khal a si thu, hi dinhmun ah a hleice in biaknak lam cu tel tul mi a si thu, biaknak lam zalennak cu ramsung ih um tlang thei dingah a thabik mi lamzin a si thu, hmailam hrang thlaici vorh dingah kan mah pakhat ciar ih thu bohcatnak lawng a si thu, kan thubohcatnak cu tu le hmailam caan ah thathnemnak um mi thubohcatnak a si thu,

          Kazath ih duhsan cu zalen zet ih kekar nak, zalennak a ti duhsan a si. Ram thuanthu ah thlaan suahnak khan pawl le ramdang ih kaih tuar mi pawl an um thu, asinan, Kazakh pawl dinhmun in hi a dik lo mi pawl ah an rak tang lo. A dang ten rak um mi hmuhtonnak pawl ruangah kom aw dingah a rak can ter. A liam zo mi ih natnak le hniksaknak pawl cu hmailam caan ah sinak le miphun, nunphung le biaknak lam pawlkom zate ih sinak upat ih tuah dingah ruahnak pawl a ngah ter ding cu a fiang tuk.

          Pope in milai nunnak man a ret tuk ruangah that dingih thupeknak khal an bal sal ruangah a lungawi thu, ziangah tile mitin in dam theinak kan nei. Ram president Kassym – Jomart Tokayev in ziang vek sualnak ruangah siseh thah dingih thupek cu a bal ih (2021, Dec 29) ah nunnak thlengawknak upadi ah a rak nemhnget. Hi mi khal sunloih tlak a si. Ram sung democracy um dingih tuah nak cu parliament le cui hmun acozah pawl hnenah thil ti theinak pawl phorhsuak theinak a pek. Hi ti tuahnak cu thathnemnak um ter mi tidaan a si thu, a sinan, tumtah mi ih thleng dingah zuam a tul thu Pope in a rak sunloih.

          Hi thuthang cu RVA thuthang ih kan ngah mi a si.

https://bit.ly/3LrtCT6

Add new comment

1 + 4 =