Khaisan thar mi martyr pawl in thianhlimnak lam in hmuh tiin Pope in sim. (June 19, 2022)

khaisan_thar_mi_martyrs_pawl_in_thianghlim_nak_lam_in_hmuh_tiah_pope_in_sim

Khaisan thar mi martyr pawl in thianhlimnak lam in hmuh tiin Pope in sim. (June 19, 2022)

            Pope Francis in Seville ih khaisan thar mi Dominican martyr 27 cu zohthimtlak le tetti in hmuh tiin a nemhnget ih, thianhlim nak lam in hmuh tiin a sim. Spain ram khuapi Seville ah zarhte niih beatification pek mi Dominican martyr hnen Pope Francis in Spain civil war (khuasung doawknak) hmuhsuamnak karlak ah a tleu mi ralthatnak an langter tiin a sim.

            Pope in thenkhat mipa le nunau pawl ih hmin a sim ih, "a liamzo mi kum zabi lai ih mipi do aw ih elawk lai hrawngah Spain ram ah biaknak lam hmuhsuam nak an tongih an ral thatnak a hua tu pawl ih thah nak an tuar" tiin Pope in a sim. Khrih dungthlun nak le anmah thattu pawl an ngaithiamnak in thlianhlim nak in hmuh ih kan ulenau le Pathian duhdawtnak ah kan nunram hlan dingah thazang in pek. Dominican innsang ihsin biaknak lam ih a zuam tu a hminsin mi ih a tel mi pawl "Angelo Marina Alvarez le a rualpi 19, The Order of the Friars Preachers ihsin Giovanni Aguilar Donis le a rualpi 4, Isabella Sanchez Romero, The order of St.Dominic ih sin kum upa Sister pakhat le Fructuoso Perez Marquez, a pa thumnak cu Dominican ihsin mi menmen pawl an si.

            Blessed thar pawl sunloih dingah an bot cat. Beatification caanserh Missa raithawinak cu Cardinal Semeraro in a tuah. Cardinal Marcello Semeraro in Seville Cathedral ih Missa raithawinak tuah laiah, Mithianghlim ih khaisang ding an tlak ih martyr pawl ih nuntuzia pawl mang in a sim mi cu "an kor ih a kop mi Tuu thi a sop tu pawl" tiin a sim.

            "Kan blessed thar pawl cu an nuntu zia a danglam ih an thuanthu khal a danglam" tiin Semeraro in a simih, "St.Dominic nuntuzia thawn an bangaw ih, an nuntu khua sak nak ah rintlaknak, lungrualnak le pumpeknak an nei" tiin a sim bet. Spain civil war (khuasung doawknak) ihsin blessed khaisannak asilole martyr pawl khaisan nak June 18 Missa raithawinak ah mipi 2,112 an tel ih, cumi raldonak ah biakinn 2000 a siat ih, 8,000 hnakih tam Puithiam thah an tuar ih, mi menmen Catholic mipi 10,000 hrawng thah an tuar. Himi thuthang cu Vatican thuthang ihsin kan don mi a si.

https://bit.ly/3tOTS2n

Add new comment

8 + 12 =