Khristian nunram ih zalen nak thu Pope in sim. October 20, 2021

Khristian nunram ih zalen nak thu Pope in sim.

October 20, 2021

            Tikholhnak (Baptism) ngahnakin kan ngah mi nunnak thar cu "sualnak le thih nakih sal ihsin in luat ter" tiin ti asinan himi zalen nak cu mai duhnak thlun dingah caantha asilo, pakhat le pakhat rian aw dingah sawm nak a si thu a sim. Pope Francis in a tui pawlkom cu Khristian nunram ih kiangkap um daan lang ter sal dingah le Bawi Jesuh ih duhdawt nak zoh thim tlak kha thlun dingah caantha pakhat asi tiin a sim.

            Duhdawt zet mi ulenau pawl, St. Paul in Galati khua mi pawl henn ih a ngan mi ca kha zirh bet nakah a tu kanmah pawl cu khrih ah kawh kan sinak zalennak kha ruat a si. Tikholhnak (Baptism) thluasuah thawn kan ngah mi nunnak thar cu kanmah pawl Pa Pathian ih fa le pawl in si ter ih sual nak le thih nak ih sal ihsin in luat ter. St.Paul in Bawi Khrist ah kan zalen nak cu mai duh nak thlun dingah caantah asilo, zumtu pawl kiangkap ah pakhat le pakhat rian aw dingah sawm asi thu a sim. Duhdawt nak thawn mi harsa pawl rapthlak zet ih pek mi tuah tuannak lawng kannih Khristian ah kan zalen nak cu thang in rah pawl a rah thei tiin St. Paul in a sim.

            Bawi Jesuh cu netabik zanriah einakin maihranglawng ruat lomi duhdawtnak kha tahthim nakah a sim. Amah cu rundamnak hna a tuan hlanah harsatnak le thahnak a ton hlanah a dungthluntu pawl ih ke a kholh nak in kanmah pawl ih cawn dingah in zirh.

            Khristian ih zalen nakah um lo thei lo ih a tul mi pakhat a um. A tui pulh nat ruangah a cang mi pawl cu zalen nak a mal vivo mi mi pakhat ciar ih a zalen mi ruahnak pawl malnak lan dingah le anmah pawl ih a thuk sawn mi communite hmuhnak langter dingah sawm nak a si. Khrih thluasuah in luatnak zalennak thilti theinak thawn kanmah pawl ih langter mi ihsin midang pawl a hman mi zalen nak cu Pathian ih duhdawt nak ihsin a suak ih cui duhdawt nakih famkim nak hmu dingah bom aw cio uh si.

            Mipi pawl tonnak hmun ihsin mirang tong a hmang tu khawmzawh pawl le mi khual pawl a hleice in America ram ih pawlkom pawl cibai ka run lo buk. Nanmah pawl le nan innsang zate parah Bawi Khrist ih lungawi nak le remdaih nak cu Pathian hnen ka dil. Pathian in thluasuah lo pe hram seh tiin cibai buk in mipi a ton nak a cawl. Himi thuthang cu Rome Reports thuthang ihsin kan don mi a si.

Photo courtesy of Rome Reports/google images

https://bit.ly/3meoIyd