Khristian pawl remdaihnak hrangah tidaan hawl in khual tlawng tlang uh si tiah Pope Francis in sim (17 January 2022)

Khristian pawl remdaihnak hrangah tidaan hawl in khual tlawng tlang uh si tiah Pope Francis in sim

(17 January 2022)

         Sumpai nei mailai hmaihngal nak, a sinan sinak a lei thei lo! Lei thei sehla na tuah thei lo le Pope cu Finland ram ih Christian pawl lungrualnak pawlkom ih ai-awh tu pawl thawn an rak tongaw. Naute Jesuh hmuh hlan lo hawl in upatnak rak pek tu mifim pathum pawl ih nunram a rak hlawm.

         Ziangah tile an rak hawl hmuh ruangah a si. Ziangah an rak hawl hmu thei tile Pathian in Arsi ih danglamnak a rak hmuh ter nak in a thok. Pathian khal in in hawl rero. Mifim pathum vekin kan nih khal in Pathian kan lehrul sal theu. Cui hnu ah khual kan tlawn tlang a tul.

Khualtlawn tlangnak

         Pathian ih thluasuah cotu in cui dinhmun lan a ngah lo. Mai thatnak hrangah khal an nung nawn lo. An nih cun hmai an nor rero. Mifim pathum cu a bang aw lo mi nunphung le miphun a ai-awh vekin tui san ih Khristian pawl khal kan unau pawl ih kut kai in hmainor a tul. Pathian thawn nai aw sinsin dingah Khristian khat le khat bawmnak a tul.

         Hi khualtlawn tlangnak ah hrekkhat cu a ol. Thin a sau ter deuh. Tahthimnak ah: zaangfah lainatnak hnatuan pawl tuahnak ti vek in mi farah harsa pawl, bawmnak a tul tu pawl thawn in nai aw ter lo.

         Kan mah khat le khat khal in nai aw ter. Christian pawl dinhmun in hi khualtlawng tlangnak ah Pathian nei tu pawl vekih fehnak a si lo. Pathian hawl bet rero tu pawl ih fehnak a si. Khualtlawnnak lamtluan ah ralthat a tul. Thinsau a tul. Cu lawngah khat le khat tha pek awk thiam in kan bawm aw thiam ding.

A thupi mi tikcu caan pahnih

         Christian pawl lungrualnak ah feh tlangnak ah a thupi mi caan pahnih a si mi 2025 ah vei 1700 nak kumkim ding mi Nicea thurelkhawmnak le kum 500 kim Lutheran Augsburg ih pakhat lawng a si mi Catholic Pawlpi ih a thentheknak kumkim a si tiah Pope in a rak sim.

         Nicea thurelkhawmnak ah ‘thumkom Pathian le Christu Bawipa ih Pathian sinak’ a rak thannak thawngin Baptsim a lak tu pawl a kom aw ter. Jesuh Khrih dung thlun in zuam zet ih fehnak khal tharthawh sal cio dingah santiluan tin ih mipa, nunau pawl, kan mah tel in Christu cu thei lo in kan hawl rero tiah a rak sim.

         Luther ih thuthan cu ‘Protestant Reformation’ (Thenthak mi Christian pawl thlengawknak) tiih kawh mi Christian pawl hrangah harsatnak caan an pahsuak zawng te ah a rak suak.

         Cui thuthan cu Christian pawl ih lungrualnak a rak tumtah. Asinan, thentheknak a rak hum thei lo. Asinan, rei lo te ih tuah ding mi caanserh ah lungrualnak tha pek nak rahsuak hmuh a theih ding thu, cui rahsuak cu lungrualnak thawn khualtlawn tlangnak a si thu, hi tiin kan nih minung pawl ih tidaan pawl hnak in Pathian ih duhnak lam hnakin Vancungram in hmuh tu lamzin lawngah feh ding a si.

Cui hmun ih miphun pawl hrangah…..

         Pope in Finland ram mi Lutheran Bishop Jukka Keskitalo hnenah a lungawi thu, ziangah tile Amazone pawlkom ih thubohcatnak a tak tak ih phorksuak tu dinhmun in Finland ram mi pawl a hruai sakthu, Pope in kan tul mi pawl a tak tak ih phorhsuak a tul. Ruah men le tong men lawng si hlah seh tiah a rak sim.

Lungrualnak ziang tik le kan ngah thei ding?

         Pope in a thusim cemlam ah thu pakhat a rak sut. Lungrualnak ziang tikah ngah a theih ding? Cu vekin Orthodox Theology mifim pakhat ih ruahnak sirhsan in “lungrualnak cu a ralai ding mi hmailam ah a si ding” thu, leilung cem ni lawngah ngah a theih ding thu, asinan, lungrualnak lam ih fehnak lamzin a thupit thu, a dik mi Theology mifim pawl, remdaihnak hawlnak hnatuan pawl ah mi thiam hleice pawl ih hnatuan pawl tuah bet dingah, dik dingah a tul.

         Kan nih Pathian ih fa le pawl kan zate khal in hmainornak khal a tel thu, Pathian cu raltha zet in a cekci mi tidaan pawl thawn feh tlang in hawl dingah, Bawi Jesuh lawng zoh in kan kiangkap pawl thawn thlacamnak ah naite ih um dinah forhfial phah in a thusim a rak cawl.

         Hi thuthang cu Vatican thuthang ih kan ngah mi a si.  

https://bit.ly/3FICnDV