Khristian thuthangtha cu thil um daan menmen asilo, tuah daan asi tiin Pope Francis in sim. (May 4, 2022)

Khristian thuthangtha cu thil um daan menmen asilo, tuah daan asi tiin Pope Francis in sim.

(May 4, 2022)

            Pope Francis cu tlawngkai nithum ni thuthangtha simnak hmun a thlen hlan a to mi thawn St.Peter tual ih a khawm aw mi khawmzawh pawl cibai buk in thluasuah a pe theu. Tuizarh tlawngkai nithum cu Pope in zarhtin a thusim mi ah Bible sung ih Eleazar thu a sim. Amah cu hlanlai zumnak tha lo pawl a thlun lo. Zumnak nunram ih zohthim tlak in a nunnak pe tiang a thlun tu a si.

            Khristian thuthangtha khal zumnak thu lawng siar men asilo. Ruat ding, tuar ding, tuan ding, na kut thawn tuan ding. Ruahnak cu tuan loin ruahnak tha pawl thawn lawng mi upat ding in an um hrim. A hman ahcun tuah na duh mi pawl tuah aw. Thinlung sungih zumnak men in Khristian nun ram asilo. Mi lakah kum upa pawl an um nak cu zohthim ding a si. Santhar mino pawl hrangah zohthim tlak si dingah um ding. Kum upa pawl hrangah silhkhah sak dingah a thupi mi tuanvo pawl a um. Zumnak kha sunloih sal dingah, zumnak kha theih thei, hmuh theih ding ah nunpi ding. San thar mino pawl in kum upa pawl an zoh. Kan nunpi mi zumnak cu an nunram hrangah a mawi mi lam on sak a si. Asinan um hrim nak cu a thuk mi thil tha lo a tong ter.

            Pope in mani ah khawmzawh pawl umnak ah feh in cibai a buk thei lo nak cu a khuk a nat tuk ruangah asi thu, zarhhnih a rei ah  ahlan vekin a cangvai thei ding tiin ruahsan a si thu ngaithiam dil nak thu a sim. Himi nat ank cu tuar dingmi a si. Reilote ah pah suak in neta tonawk caan ah nan lakah um thei ding ah ka ruahsan tiin a sim. Pope cu mani khawmzawh pawl thawn tonawk caan sung amah cibai a buk tu pawl, thluasuah a dong tu pawl cu to phah in thluasuah a pek. Himi thuthang cu Rome Reports thuthang ihsin kan don mi a si.

https://bit.ly/3yn8Lfu