Khristian tinkim ih man (santhlaihnak) thu cu tlawngkai nithum ni khawmzawh pawl thawn tonawk caan ah Pope Francis in sim fiang (November 24, 2021)

Khristian tinkim ih man (santhlaihnak) thu cu tlawngkai nithum ni khawmzawh pawl thawn tonawk caan ah Pope Francis in sim.

November 24, 2021

              Tlawngkai nithum ni cu St. Joseph ni tiin Nu Cathoic Pawlpi in a rak nemhnget. Tlawngkai nithum tinkim in zinglam Italy tikcucaan nazi 10 ah Pope Francis cu leitlun killi ih a khawm aw mi khawmzawh pawl kha St. Peter tual ah nel zetin tonnak a nei theu. Nikhua parah bun aw in thenkhat ni ah Pope Paul VI ih hall pi sungah a tong theu. Asinan Pope cu a dang caanserh a um lawngah himi tuah theu mi cu tuah lo in a um.

              Tui zarh tlawngkai nithumah khawmzawh pawl thawn tonawk caanah Pope cu St. Joseph thu a sim. Gospel cathianghlim vekin rundamnak thuanthu ah St.Joseph cu a thupi zet mi ah a tel thu Pathian duh mi tuahnakah a thupi lemlo vekin ruah a si thu cu Gospel cathianghlim in St. Joseph ih nunram tahthim nakah a hman. St. Joseph ih zohthim tlak mi a nunram cu a tlu ol mi kan leilungpi ah minung pawl ih man ziang tlukin a thupi thu a sim fiang.

              St. Matthai le St. Luke tei ih Gospel cathianghlim cu Bawi Jesuh ih sungkhat cazin ah Bawi Jesuh cu Joseph ih fapa tiin a um. A sinan minung thisa thawn ngah mi fa asilo thu khal fiang zetin a lang. A hmanah cun Joseph din hmun in Bawi Jesuh ih pa taktak vekin pe aw in a tuamhlawm.

              Matthai ih Gospel cathianghlim ah Joseph cu hnon mi vekin a lang nan a hman ahcun Joseph ih dinhmun cu Pathian ih rundamnak hnatuan theh suak dingah a thupi zet. A nun daan ruat in kannih khal kan zir ding mi cu Joseph vekin rundamnak Gospel thuthangtha zai dingah kan zaten khal kan tuah dingmi kah ziang tlukin a tum a te zuam in tuah ding a si. Luke in cun Joseph kha Jesuh le Bawinu a kilhim tu tiin a lang ter. Pek mi hnatuan kha hril loin a tha bik in a tuah. Bawi Jesuh le Bawinu kilkhawi tu asi ruangah amah cu leilung pumpi thawn pehpar mi Nu Pawlpi kilkhawi tu a si. Ziangruangahtile Nu Kohhran pi cu Bawi Jesuh ih a thuk mi ruangpi a si.

              Joseph ih sungkhat cazin cu kanmah pawl ih thisen unau pawl vekin minung khat le khat pehtlaih awknak tuletu in mang ter. Cui pehtlaih awknak tha tha dingah zangfah lainat nak hnatuan thawn humhimnak a nei lomi kan ulenau pawl kilkhawi ding. Curuangah Joseph ih thlacamnak cu rinsan uh si. A tangdor nak le Pathian ih rundamnak thawn pehpar mi ruahnak cohlang nak khal cawng tlang uhsi tiin a forh fial. Himi thuthang cu Rome Reports thuthang ihsin kan don mi a si.

Photo courtesy of NCR

https://bit.ly/3p0GjK6