Khuavel mi vekih a nungtu Puithiam pawl cu Pathian thei lo, thudik a thei lo tu pawl hnen Puithiam Ordination pek nak thawn a bang tiin Pope Francis in sim. (April 14, 2022)

Khuavel mi vekih a nungtu Puithiam pawl cu Pathian thei lo, thudik a thei lo tu pawl hnen Puithiam Ordination pek nak thawn a bang tiin Pope Francis in sim.

(April 14, 2022)

            Thianghlim tlawngkai nili cu leipar ih Catholic Puithiam pawl ih ni tiin nemhnget a si. Cuini ah Pope Francis in St. Peter biakinn sungah Thianghlim sahriak tuahnak Missa kha hoha in a tuah. Cui biakkhawmnak caanserh ah Pope in kumtin Puithiam pawl thawn pehpar mi thlunding mi daan, thukam mi pawl thu, siar mi Bible thawn tahthim in thuthangtha a sim theu.

            Tuikum khalah Pope in “a thup in thu dik lo hman nak pathum” thu, cui pathum cu Catholic Puithiam pawl hnen an lak mi thukamnak famkim zet in nung dingah dawn kham tu a si ter thu a sim. Cui thudik lo pathum lakah a pakhat nak cu “khuavel thulam thlarau umdaan a si. Cui tuahdaan cu sunloihnak, mitheih duh nak, porh awk duh nak thinlung a si. Thinlung sung ihsin ra mi asilo. Tuah nak menmen a si. Khuavel mi a bang mi Puithiam cu Pathian thei lo, thudik thei lo mi ordination pekvek lawng a si tiin a sim.

            A tang mi pahnih cu hlawhtlin nak lawng a thupit ter tuktu Puithiam pawl thawn nasatakih hna a tuan tu Puithiam pawl thu a si. Himi dinhmun cu Puithiam pawl Pathian duh mi thawn thuthuk pawl a kham ter.

            Hnatuan lawng a atcilh tu Puithiam pawl cu an duhhamnak thawn lawng an nung. Hnatuan a atcilh tuk tu pawl cu Pa Pathian zumnak hrial in, tuanvo ti fangin tuah men a si. A hman ah cun Pa Pathain biaknak cu kan nunram ah a thupi zet mi thil a si. An thil ti thei nak ih uangawk nak cu a cem thei lo theu.      

            Thuthangtha a sim nak a cem tikah Pope thawn Missa a tuah tu Puithiam pawl cu Ordination lak laiih tuah mi thukamnak tuah sal nak a si. Cuihnuah Thianghlim sahriak thluasuah an pek. Cui sahriak pawl cu (1) mipi pawl ih sahriak, (2) harhdamnak sahriak, (3) Khrisma sahriak pawl an si. Cui sahriak pathum lakah (Khristma) sahriak sung ahcun balsam an telh. Cui hnuah Pope (hotu Bishop) in cui sahriak cu dimten a sem theu. Himi thuthang cu Rome Reports thuthang ihsin kan don mi a si.

https://bit.ly/36mP63I