Kum 500 kim Philippines Catholic pawl ih zumnak May 2, 2021

kum_500_kim_philippines_catholic_pawl_ih_zumnak_a_karh.jpg

Kum 500 kim Philippines Catholic pawl ih zumnak

May 2, 2021

          Spain riantuantu pawl cu 1521 ah Philippines ram an rak thleng ih tu ah cun an zumnak kum 500 a kim thlang. Philippines ram cu leitlunhuap ram pawl sungin Christian pawl tam bik nak ram pakhat a si ih Catholic mipum taan 84 thawn Catholic tambik nak pawl sungin a pathum nak a si.

          Philippines Catholic pawl ih zumnak cu a tum zet. Zateek 85 Catholic mipum le nunphung pawlkom hngetkhoh zet in a um. Zung, tlawnginn, store dawr tinkim deuh thaw ah Bawinu ih zuk pawl hmuh a theih” tiin Rome ih um Pope in nemhnget in Philippines miphun pawl ih College director, Fr. Gregory Ramon Gaston in a rak sim.

          Tui kum, kum thok nak lam ah Pope Francis cu Philippines ah Christian pawl umnak kum 500 kim hrangah Missa raithawinak a rak tuah sak.“Philippines miphun pawl cu Rome ih hmuntin ah hmuh a theih. An mah in an zumnak thlaici cu an feh nak hmuntin ah an keng” tiin Pope in a rak sim.

          1970 ah Pope Paul VI nak cu hmaisabik Philippines ram rak tlawng tu Pope a si. Pope John Paul II cun 1995, leitlunhuap mino pawl puai ni cu Philippines ah a rak hmang ih Pope Francis cun 2015 ah a rak tlawng.

          Hi thuthang cu Rome Reports thuthang ih kan ngah mi a si.

Photo courtesy of: The Dominican Friars

https://bit.ly/2Slaejr

Add new comment

8 + 1 =