Kutkee kim lo mi nauhak 2 a cawm tu nulepa pawl Pope Francis ih kawhnak ruangah an mangbang January 25, 2022

Kutkee kim lo mi nauhak 2 a cawm tu nulepa pawl Pope Francis ih kawhnak ruangah an mangbang

January 25, 2022

          Catherina le Bruno tei nupa in Pope Francis hnen nazi 5:00 pm luan hrawngah phone a ko ih ‘Hello! Pope Francis ka si” tiah a tiih an rak biakawk bet thu, an innsungsang thuhla Pope Francis in ni rei lo te hrawngah cakuat pakhat a rak ngah ruangah a si ngaingai men ding tiin Catherina in a ruat ih a pasal Bruno thawn Giogia le Marcel ti mi kutkee kim lo mi nauhak pahnih a cawm tu an si thu, kan dung ni rei lo te ah an nupa ih rualpi hrekkhat in Pope thawn an tonawk ding thu an siim ih Catherina le Bruno pawl hnenah an innsungsang thuhla Pope hnenah ca kuat ngan dingin ruahnak an rak pek ruangah kan rak ngan tiah an sim.

          Pope Francis in an cawm mi kum 26 a kim mi Marcel ih thinlung lam a rak suh thu, Angelus thlacam rero lai tu Pope Francis a zoh rero tu kutkee kim lo mi nauhak Giogia le Marcel pawl ih zuk pakhat Catherina in a rak ret that thu, Catherina le Bruno tei nupa cu 2003 ihsin an suah ihsin hnon a tuar mi, kum kim lo mi pawl hmuak dingah innsungsang pawl ih timtuah sak mi “Take Me Home” project rak thok tu pawl an si ih Catherina cu hoha tu pakhat a si.

          ‘Hi nauhak te pawl hrangah sunsak ih nan rak tuah sak mi parah ka lungawi tiah Pope Francis in Phone sungin sunloihnak tongkam a rak sim’ tiin khal an sim.

          Hi thuthang cu Aleteia thuthang ih kan ngah mi a si.

Photo courtesy of Daily Mail
https://bit.ly/3HkcVpZ