Laudato si cu kiangkap kilhimnak hrang lawngah si lo in nunphung thawn pehpar awknak an nei August 24, 2021

Laudato si cu kiangkap kilhimnak hrang lawngah si lo in nunphung thawn pehpar awknak an nei

August 24, 2021

           Pope Francis in Laudato si’ ih phunsangtlawng council sungtel pawl cibai a rak buuk ih mipi ih ruun innpi kilhim dingah minung pawl ih tuanvo kan nei ti mi theihnak khaisang dingah a rak sim. Cui Congress cu September 1-4 tiang Argentina ram ah an tuah ding. Cui thuthang tongkam cu cui pawlkom pawl hnenah video thawn a rak kuat. Thuthang tongkam cu Spain tong thawn a rak sim. Tu vek ih forhfialnak cu minung zate ih ruun innpi kilhim dingah nunphung tiang a khaisang thei ding tiih a ruahsan thu a rak sim. Ziangah tile Laudato si’ cu kiangkap hrin dildel nak hrang lawngah a si lo. Nunphung thanso nak thawn pehpar mi capi a si.

           Tui tuah mi congress thawn capi ih tumtah mi a lang ter ding tiih a ruahsan vekin thathnemnak khal a um sinsin ding tiih a ruahsan thu, thuthang tongkam ih a cemnak ah Pope Francis in a mai hrangah thlacam sak dingah le Pope in cui congress ih a tel tu pawl thlasuah pe in a thusim a cem ter. Hi congress cu Argentina Catholic Bishop pawl pawlkom, din mi phunsangtlawng hotu in phunsang tlawng pawl ih tlawng uk tu council le phunsangtlawng council pawl in an tuah. Hi ti tuahnak cu Laudato si’ capi suahnak kumruk kim sunloih dingah a si. Hi congress cu live in an thlah dingih a tel duhtu pawl in zoh a theih. Hi thuthang cu Vatican thuthang ih kan ngah mi a si.

https://bit.ly/3yqpP0w