Lebanon ram hrangah rawl ul in thlacam dingah Pope in zangfah a dil (September 2, 2020)

Lebanon ram hrangah rawl ul in thlacam dingah Pope in zangfah a dil

September 2, 2020

            A ra lai dingmi a hmaisa bik tlawngkai ni nga niah Lebanon ram hrangah rawl ul, thla cam nak tuah dingah, a liam zo mi tlawngkai ni thum ni ah Pope Francis in zangfah a dil. Ziangruangahtile a liam zo mi August ni 4 ah a nasa zet mi thil puak nak vei (4) a um ih Lebanon ram ih khuapi Beirut ih a cang nak ihsin thok in sumdawn nak harsat ank le ram khel buai nak pawl a suak. Cui thil cang mi cu thla khat a luang thlang nan, Pope in cui thil puak ank cang nak hmun ih a um tu pawl hrangah a thin a phang. Cozah khal in zo hman ih bom nak dil an siang loih, anmah ten an felfai ter rero ruangah hitivekin zangfah a dil nak a si. Tlawng kai ni thum ni ih khawm zawh pawl thawn St. Peter tualrawn ih an ton awk laiah Rome khuapi ih tlawng a kai rero tu Lebanon ram ih Siangbawi pakhat khal a um ih, ram aalan kai in Pope ih kiang ah a ding.

            Zalen nak le thenthek nak (1989) kum ah Pope John Paul II in "Lebanon cu amah te lawng taan a ngah lo" tiin a dil mi ruat sal in a dil sal. Rome khuapi ah tlawng a kai rero tu Lebanon ram mi Siangbawi hnen an ram aalan a keng ter ih, Pope ih kiangah a ding ter ank in Pope cu nisuah nak lam a laifang nak ram pawl thawn ziangtluk in nai ten a um thu a lang ter. Ram mi pawl cu Pathian hnen ih an neih mi a hngekkhoh mi zum nak khal a sunloih thu, hitivekin buai nak thawn ton caan asinan, tuar thei nak thawn ngai thiam in khat le khat lungrual ten duhdawt aw zet in an um. Lebanon cu nisuah nak le ni tlak nak  lam hrangah zalen nak ih thuthang asiih, thenthek nak ih hmuh mi a si.

            Ram le leilungpi that nak hrangah himi ro thil pawl hlo ral in, siat ral ding a ngah lo. Covid-19 pulhnat a um hlan ihsin Lebanon ram cu sumdawn nak ih buai nak an tong zo. Cui buai nak ruangah cozah thlak nak khal kan dung kum ihsin an tawl rel. A tu ah cun ram mipi a hrek luan hrawng cu harsat van duai nak taw ne ah an thleng. Zohhliah nak vek in a hlan ih ton mi buai nak cu 1975 ihsin 1990 kum  (15) sun a rei mi ramsung ral do awk nak dinhmun aiin a siat sawn thu hmuh a si.

            Pope cu Lebanon ram mi pawl hnen ruahsan nak ah nung ringring dingah, hmailam kekar nak thar thok thei dingah tha zang pawl khawl dingah, cutivekin Pope in ram khel le biak nak lam upa pawl khal felfai nak thawn mairam tundin nak ah tuan tlang dingah, a luar tuk mi mi phun thinlung nei tu pawl khal hnong dingah, ram hrangah that ank a um ding mi hmilam kah ruah san in tuan dingah a forhfial ih, ram tin pawlkom pawl hnen khal ah Lebanon thu thawn pehpar in hmunkhat ten bawm aw khawm dingah zangfah a dil. Beizuk khua mipi pawl khal tha nau lo dingah thlacam nak, zum nak ah tha zang thangso dingah, cutivekin pilepu hnen in ngahmi ro thil pawl khal hnong lo dingah, a hlan ihsin neih dah mi hmailam ni tleu mawi mi ruah nak pawl khal hlo ral ter men loin, ni nikhat ah tleu mawi in, a than so mi ram kha ruah san dingah tha zang a pe.

            Cui hnuah biaknak lam upa pawl, Bishop pawl, Siangbawi pawl, Sister pawl le Pathian rian tuan tu pawl zaten khal mai tuu ruun pawl ih nat ank pawl kha tuar pi in, a hngek khoh mi Pathain minng si nak thinlung thawn an kiangnai te ah umdingah, anmah pawlih harsat nak, a tha lo zet mi minung sinak tlak siat ank pawlah anmah pawl thawn tuar tlang dingah, farah harsa pawl thawn harsa zet in um thei hram uh. Harsat a tuar tu pawl thawn khal tuar tlang  thei hram uh.

            Harsat nak hmuihmel tha a hmuh hmaisa thei tu si dingah, an nunram tungding sal thei dingah, nun ram thar thoh sal thei caanah sunloih tlak mi si dingah bawm dingah a forhfial. A dang kawhhran upa pawl kha lungrual na a ummi hnatuan, midang hrangah ih thil tha si thei dingmi hnatuan, hmunkhat ah thu hla rel khawm in, remdia ten ulenau thinlung thawn um tlang nak, hitivekih um tlang nak cu Assisi khuapi ih St. Francis ih a duh zet mi um daan a si thu, hitivekin um thei dingih zuam nak cu Khristian pawlih nunram a sau ding ih, leitlun le Lebanon ram hrangah a remdai dingih, thanso nak ah sim rel thei loin pek awk nak khal asi thu a sim.

            Rawl ul thlacam nak in Lebanon ram thawn hmunkhat ih um tlangnak hmuh thlang uh. September 4 cu leilung pumpi Lebanon ram hrangah rawl ul thlacam nak ni tiin an hmun sin ih, cui niah Vatican ih secretary asimi Cardinal Pietro Parolin kha Lebanon ram ah thlah in, Lebanon ram mi pawl thawn hmun khat ah nei ten tuar pi a si thu lang ter ding asiih, cutivek in lang ter dingah bom thei mi bom nak kha pek ding asi. Cutivekin a dang Khristian unau pawl khal himi rawl ul thlacam nak ah tel dingah khal a sim ih a forhfial. Pope cu a thusim mi a cem nak ah tual rawn ih a thleng mi khawm zawh pawl hnen reiloten dai ten um in, Lebanon hrangah thlacam ding ah a sim ih an khawm nak program cu an cem ter. Himi thuthang cu Vatican thuthang ihsin kan ngah mi a si.

Source: Vatican News

https://bit.ly/353hjth