Leilungpi Remdaihnak hrangah Pope Francis ih zangfah dilnak

Leilungpi Remdaihnak hrangah Pope Francis ih zangfah dilnak

Ukraine ram ih thatnak a pan thei nawn lomi thil umdaan hin nasa zetin ka thinlung i sun a si. A tha lam zawngin ralrinnak ka rak pek zo nan, rapthlakza thil tampi a suak tum rero thotho. Keimah vekin, leitlunmi tampi cu tihphannak le riahsiatnak in a zel hai. Maih hlawknak hrang lawng ruahnak in remdaihnak khal a siatsuah thluh tum. Ramkhel lam tuanvo neitu pawl hnenih zangfah ka dil duhmi cu   Pathian hmaiah kan thinlung cio cekaw fel uh si; kan Pathian cu buainak duhtu Pathian a si lo, remdaihnak duhtu sawn a si. Mihrekkhat ih Pa lawng a si lo; mi hmuahhmuah ih Pa a si ih a rualrem zetmi unau si ding in duhsak tu Pathian a si. Curuangah hi buainak ih a teltu zatein, mipi hrang harstnak a karh tertu thil siseh, ram khat le ram khat nuntu khawsak tlangnak a siatsuahtu thil siseh, leitlun huap ih tuahmi daan pawl siatbal tertu thil siseh, an tuah nawn lo nak dingin thla ka cam a si.

Cun, a tu ah, zumtu le zumlotu pawl hmuahhmuah hnenah zangfah ka dil duh a si. Bawi Jesuh in Satanpa ih suah termi thatlonak pawl cu Pathian ih hriamhrei in pekmi thlacamnak le rawl ulhnak thawn do dingah in zirh. Curuangah a ra lai dingmi March 2, Vulhcaam Culh Ni (Tlawngkai nithum ni) cu Remdaihnak hrangih thlacam Ni ti’n hmang cio dingah leitlunmi hmuahhmuah in ka sawm hai a si. Zumtu pawl hrangih hleice takih ka sawm duhmi cu, cuih ni ah thlacamnak le rawl-ulhnak thawn Pathian hnenah ap-awk cio ding hi a si. Remdaihnak Siangpahrang Bawinu in kan leilungpi cu ralbuainak ihsin humhim hram seh.