Leilungpi thawn pehparin mivai tu pawl le mi harsa pawl ni ah mai inn tan in a tlan tu pawl hrangah Pope in thlacam. September 27, 2020

mi_vai_pawl.jpeg

Leilungpi thawn pehparin mivai tu pawl le mi harsa pawl ni ah mai inn tan in a tlan tu pawl hrangah Pope in thlacam.

September 27, 2020

          Pope Francis in September thla ih netabik zarhpi ni cu leilung pum pi ih a vai tu pawl le mi harsa pawl ni tiin a hminsin ih kum tin a tuah theu. Zarhpi sun Angelus thlacamnak hmunih St. Peter tual rawnah zum tu pawl an khawm awk laiah Pope in a vai tu pawl le mi harsa pawl a hleice in cibai a buk thu le an mah le an mah pawl bawm tu pawl hrang khalah thla a cam sak thu a sim. Cuihleiah Pope cu St. Peter tual rawn ih "Angels Unawares" tiih hminpek ih tuah mi zuk lam hoi in leilung pumpi thawn pehpar mi ni hrangah Pope ih thusim nakah Bawi Jesuh le a innsang vekin mai hmun le ram ihsin a tlan tu ramsung ral in a relh rero tu pawlih harsat tuar daan cu a sim fiang.

          Leilung killi Catholic pawlkom pawl ih Caritas (karuna) pawlkom cu Pope Francis in leilungpi ih ramsung ral a tlan san tu pawl (IDPs) ih thu dik thu hman, si nak a nei mi nun nak le mai inn ciar ah rem dai ten kir thei sal ding hrangah tah nak aw thu a simnak ah an telh. Caritas Internationalis cu Catholic kawhhran cu leitlun ih a vai tu pawl le harsat tuar tu pawl ni cu September 27 ni ih hminsin mi in mah Pathian ih kawh nak cu a sim bet. Kum tin puai ni cu hmang phah in tuletu hngilh a tong mi ramsung ral buai nak a tlan san tu pawl (IDPs) ih din hmun tha lo ruat sak dingah, cozah pawl in bawm dingah a hrampi tuan mi pawl le leilung pi ih inn le lo nei lo ram mipi pawl hrangah sinak nei zetin inn tlung sal thei nak dingah a dil sak.

Pope ih sawmnak

          Catholic kawhhran cu September thla ih netabik zarhpi sun cu leitlun ih a vai tu pawl le harsat tuar tu pawl ni tiin an nem hnget. Pope Francis cu tui kum a vei 106 nak kum kim hrangah "Bawi Jesuh vekin tlan dingin fialnak" cu thu luu tiin a hril. May thla ih suah mi thuthang pakhat ah Pope cu ramsung ral buai nak tlan san tu pawl (IDPs) mipum a than nak hrangah ahleice in ralring dingah le tuah daan thar a dil. Covid-19 ruangih that lo nak pawl, hnon tuar tu pawl, kiangkap ih hnon tuar tu pawl cu a hmuah thu Pope in a sim. A vai tu pawl le harsat tuar tu pawl ih harsat nak cu kum 83 a si zo tu Pope ih ahleice ih a program pakhat asi thu a sim.

Thudik hrangah IDP ih tah aw

          Caritas Internationalis Secretary General pawlkom ih  Aloysius John in Pope Francis ih sawm nak cu pom in "cui a hleice ni cu thudik hrangah ram sung ral buai nak a tlan san thu mi harsa pawl ih auaw cu a caan thawn kaihin, a thupi ah ret in tuah cih dingah ruah nak kan pe duh" tiin a sim. Leitlun ih Caritas cu mai ram pawl ah inn le lo a tlan san tu pawl le cat loin a pehpar thu a sim. Anmah pawl cu mai biak nak khal an tlan san ih, a hman mi upadi vekin humhim nak a um lo tu pawl an si. Internal Displacement Monitoriny Centre ih leilung pumpi thawn pehpar ih an lang ter nak in"2019 kum cem ah leitlun killi ih ram 61 le leiram 61 ih thu el awk nak pawl le kiangkap harsat nak pawl ruangah minung tan 45.7 cu inn le lo nei lo an si" tiin John in "himi zat cu an hminsin dah mi thil lak ah a sangbik mi a si"tiin a sim. Asinan a thang rero mi zat thawn a thupi mi dinhmun pawl a um nan tui ni tiang IDP ih dinhmun cu ram tinkim ah zate daih in tuah a theih hrih lo" tiin amah in a sim.

Harsat tuar tu pawl le IDP dinhmun

          John in hmun tinkim ih kilhim nak a pe tu harsat tuar tu pawl thawn bangaw loin IDP pawl cu ram tin upadi vekin kilhim nak pek nak ihsin that nak an ngah lo thu, a san cu anmah pawl cu mai ram sung lawng ih an um ruangah asi. Anmah pawl cu rilrawn nak, raldoawk nak le thil tha lo tuah nak pawl a cang ter tu Democarcy vek asilomi ram khel, ram daan le kiangkap harsat nak pawl ih fale pawl hrang an si. Anmah pawl cu leipar ih tha mal bikah an tel ih si nak nei zet in um ding ah an caan tha hnon a tuar tu pawl an si. IDP nauhak pawl ahleicein a nau hak lai mi nunau pawl le nunau pawl cu leipar ah tha nau zet mi pawl an si ih tu le tu mi ih hmuh suam nak an tuar, pawng sual nak pawl khal tu le tu an tuar thu an sim.

Ahleice a hrampi lang ter nak

          Caritas Internationalis ih an hminsin mi cu ram sung ral thlasan nak dinhmun pawl thawn lo theih lo ih thawn nak kha a hram pi thuhla pawl cu felfai ter a theih hrih lo ruangah asi. Tahthim nak ah Syria, Columbia le Ukrain pawl ih an buai nak dinhmun pawl, Somalia, Burkina Faso, Mali le Philippines pawl vekih kiangkap harsat nak pawl le farah harsat nak pawl asilole tikcu thleng awknak ruangih humhim nak a um lo mi dinhmun pawl ruangah inn le lo a tlan san tu pawl cu inn tlun ngah lo nak khal minung pawl inn le lo nei loih um ter nak thuhla pakhat asi mi thuhla pakhat a si.

Cozah pawl, leilungpi thawn pehpar mi pawlkom pawl

          Joh in "himi thil tha lo cu kanmah pawl mitsing hrih men ih um ding a ngah lo. Neh a theih. Cozah le ram tin pawlkom cu ramsung inn le lo tlan san tu pawl hrangah thuhla la loih lo dingah" forhfial phah in a sim. Caritas karuna pawlkom cu inn le lo a tlan san tu mipi pawlih a hram pi ih tul mi in ei le inding ti thiang cutivek pawl ngah dingah le ahleicein himi covid-19 a karhzai caanah anmah pawl si nak nei zet in um thei dingah cozah le ram tinkim pawlkom pawl hnen zangfah a dil. Karuna pawlkom cu cozah le ram tin pawlkom pawl hnen mai inn ah um duh pawl hrangah humhim nak le si nak nei zetih inn ah tlung sal thei dingah a forh fial. Ram sung ihsin tlan in relh nak cu thu hram pi bik buai nak asimi ram sung ral buai nak a simi leilung pi ih kah awk nak cawl dingah a dil. Himi thuthang cu Vatican thuthang ihsin kan ngah mi a si.                                                                                                                                                                                                                                                                                                                                                                                              Photo courtesy of: ANSA

https://bit.ly/36t5eOT

Add new comment

7 + 12 =