Leitlun farah zonzai pawl niah Pope in mi farah cu kanmah pawl hrang kumkhua sumpai luh nak in aamahkhan sak November 15, 2020

Leitlun farah zonzai pawl niah Pope in mi farah cu kanmah pawl hrang kumkhua sumpai luh nak in aamahkhan sak

November 15, 2020

            Pope Francis cu "leitlun Farah zonzai pawl ni" kha hminsin nakin Khristian pawl bom nak tul pawl ih aiawh thlacam nak, pekawk nak le Gospel thuthangtha phuang dingah a forh fial. "Leitlun farah zonzia pawl ni" cu 2016 kumah Pope Francis in a din thokih a vei 33 nak zarhpi ni menmen niah kumtin tuah a si. Tui kum cu kum 4 nak a kim ih mi farah pawl hnen ah na kut suah aw timi thuluu tangah cangvai ding a si thu a sim. Pope Francis cu cui ni hminsin nakin St. Peter biakinn pi ah Missa raithawi nak tuahnakah zarhpi ni Gospel thuthangtha asi mi Mt 25:14-30 cu a hlawm sal. Cui Bible ah Bawi Jesuh cu a hnen um pawl an hnatuan thei zat parah bun aw in thil ri a zem tu Siangpahrang ih thu hla cu a sim. Pope in cui tahthim nak cu kan nunram ih a thok, a lai le a cem nakih lang dingah tleu nak a pe tiin a sim.     

            Ziangtinkim cu a tum mi that nak thawn a thok. Pope ih a sim mi cu "kan nunram pawl cu Bawi Jesuh ih thluasuah thawn a thok ih, cui caan ah kanmah pawl cu mipakhat ciar hnen a bang aw lo mi thil ti thei nak in pe. Kanmah pawl cu a tum zet mi thil ri kan neih nak cu kan neih mi thilri par ah a bun aw. Cui neih mi cu kan don mi nun ram, kan sungih a um mi thatnak, Pathian sinak thawn kaih in in sersiamnak in Pathian ih in pek mi a hnget mi mawi nak a si. Sihmansehla Pope Francis in kan nunnakih a um lo mi a tha deuh mi hnatuan asilole a tam deuh mi sumpai cuti vek thil lawng a hmu thei tu turhforh nak kha pial in ralrin nak a pe. Sihmansehla timi tongfang cu zumsual nak a cang ter tu tongfang asiih kan thil ti thei nak cu man ret lo nak le tha zet ih hman nak pawl in a kham sak. Pathian cu kan dunglam kha vunmangsal loin a rak sal nak caan cu thinsau ten hngak in a tui caan cu tha ten hmang dingah a dil tiin a sim.

            Pope Francis cu tahthim nakih thuhla thawn hnen um pawl ih hnatuan mi timi kan nunram thu cu a ruat sal. Hnatuan nak cu kan dinhmun pawl a par a rah thatnak a cang ter ih, kan nun ram san a um ter. Rian tuan dingah nunnak a nei lo mi an mah pawl cu hi mi nunram ah mal te lawng rian an tuan. Pope in Gospel ah "zumtu rian tuan tu pawl cu pe aw in nun a tul thu" kha felfai ten a sim. Hnen um tha pawl cu an neih mi pawl cu hamtamnak umloin an thil ti thei nak cu tha ten hmangin tih nak um loin ralthat nak an  nei tu pawl an si. That nak kha nei lo asile a sung tuar vivo ih minung nunnak ih ropit nak cu kanmah pawl ziang tlukin in run timi cu a tah lo. Asinan kanmah pawl ziang tluk in kan par kan rah timi par ah tahnak a si. A tha mi ziaza nunpi nak hnakin thilri khawl tahratin a um mi nun ram cu a lak a si" tiin a sim. Laksawng kanngah thei nak thuhla cu "kanmah rori cu midang hrang lawngah laksawng si dingah a si thu a sim.

            A farah mi bank hnatuan nak nei tu pawl, Pope Francis in Pathian in kanmah pawl rian tuan dingah caan tha in pek vekin, ziangtin rian kan tuan ding timi thusuh nak a suah. Bawi Jesuh ih tahthim nak vekin Siangpahrang cu zumnak um lo in thilri a phum tu hnen um kha a thang ngah dingah a paisa cu bank hnatuan nak pawl ah ret a tul thu a sim. Pope ih a sim mi cu cui bank hnatuan nei tu pawl cu mi harsa pawl an si. Mi harsa pawl cu kanmah pawl kumkhua a hmun mi sumpai kha aamahkhan nak a pe. A tui caan ah anmah pawl cu kanmah pawl duhdawt a tul nak cu kanmah pawl ih duhdawt nak farah zonzaih nak a si. Zumtu Khristian pawl cu kan tul mi pawl dil hnak in mi farah zonzia pawl hnen kan kut suah nak in kan thilti thei nak thang dingah tuah a theih.

            Netabikah Pope cu kan dung thla hnih ah mi farah pawl hrang hnatuan laiah, thah a tuar tu Italy Siangbawi cu in von mangter. Fr. Roberto Malgesin cu Como ih Italy miphun pawl ih Myo ih St. Rocco parish ah thah a tuar. An thah nak cu thinlung lam buai nak a nei tu Tunisia miphun pakhat a siih, Fr.Roberto a bawm tu pakhat asi. Cui Siangbawi cu theory ziang ih a rel lo thu a sim thu, amah cu mi farah pawl hnen Bawi Jesuh fel fai ten a hmu tu an siih, an mah pawl cu rain an tuan nak in nunram ih san kha a hawl hmu tu an si. Amah cu hnem nak a pe tu Pathian ih hmin thawn mi farah pawl ih mitthli pawl a nunnem nakin a kang ter tu asi.          

            Pope in a mai nunnak cu mifarah pawl hnen lawng a ap tu Siangbawi Roberto sunloih nak ah a nunram ih a thok nak cu Pathian hnen in thluasuah dong dingah thlacam nak a siih, a nunnak ih a thupi mi tumtah nak cu a co mi duhdawt nakih a par in rah suak dingah asiih, a nunram netabik cu Gospel thuthangtha cu fiangfaizet in a phuang tu a si tiin simphah in nun cawn tlak mi rinsan tlak mi Pathian ih rian tuan tu tiin nemhnget in Pathian thuthangtha simnak  cu a cem ter. Himi thu cu Vatican thuthang ihsin kan ngah mi a si.

https://bit.ly/3lvu19v