Leitlun huap mi naa pawl ni ah Pope in Myanmar, Palestine, Isreal le Ukraine hrangah thlacam sak. (Febuary 11, 2024)

Leitlun huap mi naa pawl ni ah Pope in Myanmar, Palestine, Isreal le Ukraine hrangah thlacam sak. (Febuary 11, 2024)

Pope Francis in leitlun killi ih natnak dam ding in a hmuh aw thei lo tu pawl ahleice in Kawlram, Palestine, Israel le Ukraine vekin ralbuainak ram pawl hrangah a thla a cam sak.

St Peter’s tualrawn ih a tongkhawm awtu  Zarhpi sun Angelus thlacam nak ih a tel tu zumtu mipi pawl hnen ih a simnakah Pope in Febuary 11ni cu leitlun dam lo pawl ni a si ih tui kum ah dam lonak ih a poimawh zia kha ruat dingah a sim.

Hi thuthawn pehpar aw in kan dam lo tikah a hmaisabik kan tul mi cu "duhdawttu pawl ih ngaihvennak " harhdamnak lam hnatuan pawl le Pathian hi kan tul  mi pawl an si tiah a rak sim.

"Kan zaten damlonak a tuartu pawl thawn naihniam aw dingin ka lo sawm" tiah Pope in thupit in a rak sim ih cu mi ah Pawlpi zaten ih naih niam awknak cu Dam lo natnak a tuartu pawl asilole thazaang mal mi pawl an si thu a lang ter.

Cuihnuah Pope in tuisun kan tuah mi vekin hmurcip ih um cu a si thei nawn lo thu thupit in  arak sim ih tui san ah a dik zawngih tuamhlawm awknak  a el tu tampi an um zoih curuangah dik zet ih nun theinak khal kan nei tiah a rak sim.

Pope Francis in Febuary 7 ni ih mipi pawl a tonnak ah tuksum zetih donak le phunhnam lam ih hmuhsuamnak tuar tu Myanmar ih Rohingya Muslim pawl  hrang thla a cam hlan ah Ukraine, Palestine le Isreal pawl hrangah thla a rak cam sak. Hi mi thuthang cu Vatican news in kan don  mi a si.