Leitlun ih Pi le Pu pawl le kum upa pawl ni cu July 24,2022 zarhpi niah tuah asi. (July 24, 2022)

Leitlun ih Pi le Pu pawl le kum upa pawl ni cu July 24,2022 zarhpi niah tuah asi.

(July 24, 2022)

            A veihnihnak leitlun ih Pi le Pu pawl le kum upa pawl ni cu July 24, 2022 zarhpi niah tuah a si. Himi hrangih Pope ih hril mi thulu cu “An tar hnu khalah tampi san a nei” (Saam 92:14) Pope zung ih an simnak in Pope Francis cu himi ni a tuah tu zate hnen a feh ih curuangah “himi niah zohman mahten an um lo” timi cu a fiang.

            Himi ni hrang Pope Francis in a twitter ih a ngan mi cu “duhdawt mi Pi le Pu pawl le kum upa pawl duhdawt nak a thlenter tu mi thiam tiin ka lo ko. Kan theih nak thang dingah le hman a tlak taktak mi kan neihmi thilri asi mi thlacamnak kan hmang pei” tiin asi. Leitlun ih Pi le Pu pawl le kum upa pawl ni 2022 hrang thusim nak card sungah, Kevin Farrell, mi menmen biakkhawmnak, innsang le nunram hminsin dingmi cu, leiltun ih Pi le Pu pawl le kum upa pawl niah Pope in kum upa pawl pawlkom le kan pawlkom ah kum upa pawl mang dingah in sawm.

            Leitlun huap ah Pawlpi in himi puai an tuah nak cu Pi le Pu pawl le kum upa pawl hrang a tumzet mi le ruahsannak thawn thapeknak cu an duh ih cumi cu Pawlpi le nunphung hrangah laksawng  khal a si. Pope Francis in leitlunih Pi le Pu pawl le kum upa pawl ni cu 2021 July thla ih zarh li nak St.Joachim le Ann, Bawi Jesuh ih Pi le Pu puaini kiangkap hrawngih tuah dingah Kohhran dinhmun in tuah dingah a rak than. Himi thuthang cu Vatican thuthang ihsin kan don mi a si. https://bit.ly/3zy4cPH