Leitlun remdaih nak hrang tuah dingmi thlacam nak program ah Pope a tel. October 17, 2020

leitlun_remdaihnak_nak_hrang_tuah_ding_mi_thlacam_nak_ah_tel.jpg

Leitlun remdaih nak hrang tuah dingmi thlacam nak program ah Pope a tel. October 17, 2020

            Leitlun remdaih nak hrang tuah dingmi thlacam nak program ah Pope Francis a tel. Cui thlacam nak program cu October 20 ni , thlawngkai ni hnih ni ah tuah a si. Thlacam nak program ih thuluu cu "pakhat lawng rundam a si lo. Remdaih nak thawn ulenau taktak pawl" tiin an pe.

            Rome khuapi ih a bun aw mi St.Egidio pawlkom ih tuah mi a si. Cui thlacam nak program cu Catholic zumtu pawl lawng a dangten tuah siloin a dang Khristian ulenau pawl khal tel ding a si. Thlcam nak program cu Rome khuapi, Capitoline ih Saint Mary in Aracoeli Bacilica ah tuah a si. Himi thlacam nak program thawn Khristian asilo mi zum nak dang pawl ih biak nak lam upa pawl khal an tel ih, Rome khuapi Capitoline ih MIchelangelo's tualrawn ah tuah a si thu khal Vatican thuthang zung in a than.

Assisi ih duh daan  in tuah ding a si.

            A tu cu a vei (34) tuah nak a si. Himi hlanlai ihsin a um mi thalcam nak program tuah dingah lam a hmuh tu cu St.John Paul II a siih, 1986 kum ah a si. Himi tuah nak cu Assisi ih duh daan le Pope Francis ih ulenau pawl capi vekin remdaih ank hrang thlacam nak a si. Covid-19 nat caan laiih tuah asi ruangah mipi um khawm nak pial dingah tumtah in tong phun 8 thawn line in thlah cih a si. Cutivekin a dang onling le tv line pawl khalin thlah a si.

            Pope Francis ih a pathum nak capi asimi "ulenau pawl" timi capi ah bun aw in "mai zum mi zumnak parah hrambun in Pathian ih fale palw tiin kawh nak ngah a si. Ulenau sinak taktak nei ding ah le kiangkap ah thu dik khal kilhim dingah a si thu, a bang aw lomi thuanthu ah pulhnat ruang khalah siseh, raldo nak a hlun, a thar a cang rero ruang khalah siseh, Siria ih raldo nak a can nak cu kum 10 a rei zo vekin, Nagorna Karabakh ah a tu ah ral buai nak a can nak cu zoh in a tui thlacam nakle kawhhran upa pawl tonawk nak cu remdaih nak a tul thu leilung pumpi ih Europe thinlung ihsin khal siseh, hmailam ih ruahsan nak thu tha asimi remdaih nak ih hmin tang ah theih ter duh thu, mi tinkim thlacam nak program cu online ihsin tel dingah sawm an si thu" St.Egidio pawlkom in an sim.

Covid ruangih a thi tu pawl hrangah minute 1 daiten an um.

            Tlawngkai ni hnih zanlam ah biak nak a phunphun ih upa pawl cu mai biak nak lam daan vekin thalcam ding a si. Pope Francis Constantinople ih biak nak lam upa Bartholomew le Orthodox protestant upa pawl cu Bacilica biakinn ah thla an cam ding. Judah biak nak lam upa pawl cu Rome ih thuthen nak ah siseh, Muslim, Buddhist a dang nisuah nak lam biak nak lam upa pawl cu Capitoline ah thlacam nak ah an tel ding. Himi thlacam nak ah hmuntinkim pawlkom palw ih upa pawl asimi Europe commission ih hotu Ursula Vonder Leyen, Italy president Sergio Mattarella pawl kha tel dingah forhfial a si. Thlacam nak cu covid nat ruangah a thi zo mi pawl hrang hlan in minute pakhat daiten umin upat nak program thawn canserh cu an cem ter. Himi thuthang cu Vatican thuthang ihsin kan ngah mi a si.

https://bit.ly/2T5eXmq

 

Add new comment

2 + 6 =