Lungrualnak hrangah thlacam uh. Conference hrangah thlacam uh. 17 January 2022

Lungrualnak hrangah thlacam uh. Conference hrangah thlacam uh.

(17 January 2022)

          Pope ih Christian pawl lungrualnak, ngahnak ding zung ih hotu, Cardinal Koch le Bishop pawl ih conference thawn pehpar ih General Secretary Cardinal Greech pawl cu (2021, October 21) ah hnatuan tlangnak thuthan an rak suah ih Christian pawl lungrualnak ngahnak lam ih tuanvo neitu sungah Conference tuahnak le Christian pawl lungrualnak ngah ding ahcun feh tlang ding mi hnatuan a si.

          Christian pawl lungrualnak cu ‘laksawng pawl thlengawknak’ tiih theih thiam a tul thu, ngah thei mi laksawng pawl sungih pakhat cu Conference thawn pehpar ih an hmuh daan a si.

          2022 kum ih ‘Christian pawl lungrualnak hrangah thla an cam ih Zarhkhat hranga motto cu ‘hmailam ah kan dingih arsi kan rak hmu. A mah Biak dingah kan thleng’ ti a si. (Mt 2:2)

          Hi motto cu nisuahnak a lai lak Pawlpi Council ih rak hril mi a si. Tumtah mi cu tuah ding mi conference ah Christian pawl lungrualnak um dingin khaisan ih tuah thei mi caantha pe dingah a si.

Kan laksawng pawl onnak

          Motto ruah a si le mifim pathum pawl vekin Christian pawl khal khualtlawn tlangnak a si. (synodos ₌  khualtlawn tlangnak). Cui khualtlawn tlangak cu Vancung ih tleunak ih lamhmuhnak la tlang in feh phah ah leitlun khuathim pi pahsuak rero a si. Leitlun mi pawl khal in Pathian bia dingah, an lungmankhung pawl ong in ap dingah sawmnak a ngah tu pawl an si.

          Khual tlawng pi khal a tul ti theih a tul. Cu vekin Bawi Jesuh thawn pehtlaih mi kan unau pawl hnenah khal laksawng tampi a um ti khal theih a tul. An mah khal kumhnih sung kan mah thawn khualtlawng tlang dingah sawm a tul. Kan lungmankhung pawl langhngan ih onnak thawn Thiang Thlarau Pathian ih pek mi a dang laksawng pawl khal lak caan a um ding tiah a ruahsan. Cui laksawng pawl cu mikip ih ngah thei dingah din mi thuhla a si.

Thlacamnak

          A par lam ih sim zo vekin Pope ih zung pahnih ih tuanvo neitu pawl dinhmun in Conference tuahsuak theinak dingih thlacam dingah hi thlacamnak a ngan ih a rak kuat. Hi thlacamnak ah Christian pawl lungrualnak ngah ding thawn pehpar in a dang a mil aw mi tumtahnak pawl khal telh a theih.

Vancung ih um mi kan Pa…

          Mifim pathum pawl cu arsi ih lamhruainak thawn Bethlehem ah an rak feh. Tleunak thawngin Catholic Pawlpi khal tui tuah ding mi conference ah a dang Christian pawl thawn feh tlang thei dingin lam in hruai hram aw. Mifim pathum pawl cu Bawi Jesuh an biaknak ah thinkhat lungkhat tei an rak um vekin Na Fapa thawn siseh, khat le khat karlak ah naihniam ten um dingah lam in hruai hram aw. Cu lawngah kan nih khal in na duh mi Christian khat le khat siseh, sersiam mi zate ih lungrualnak pakhat ah kan cang thei ding. Hi thlacamnak pawl cu kan Bawipa Jesuh Christu hmin in kan lo dil a si. Amen.

          Hi thuthang cu Vatican thuthang ih kan ngah mi a si.

         https://bit.ly/3qRdpOF