Mai um nak a tlan san tu harsat tuar umnak kah an tuarnak cu Pope Francis in dodal February 5, 2022

Mai um nak a tlan san tu harsat tuar umnak kah an tuarnak cu Pope Francis in dodal

February 5, 2022

            Vatican ih secretary asimi Cardinal Pietro in Condo ram ih President hnen a riahsiat thu ca a kuat. February 1 ni ah hriamhrei kai pawlkom pakhat in ram sungah umnak hmun tan san tu harsat tuar pawl um nak an kap ih an do. Cui do nak ruangah harsat tuar 60 hrawng an nunnak a cem ih, cumi lakah nauhak 12 hrawng khal an tel. Hriamhma ngahtu pawl khal 40 hrawng an um.

            Himi tuahmawhnak cu minung bang lo a ttha lo zet mi tuah nak a si thu, nunnak a cem tu pawl khal zangfah nak nei tu Pathian in a remdaih nak le kumkhua tleunak ah lungawi zet in rak hmuak dingah, nunnak a cem tu pawl hrangah a tuartu an innsang pawl Pathian ih hnem nak le an thinnat nak damter nak an ngah nak ding thu, Pope cu nat a tuar tu zaten thawn a tuar ve thu, Pathian in a dam laitu pawl, rundamnak hnatuan pawl ah a tel tu pawl hnen khal ralthat nak le thazang pe dingah thla a cam sak.

            Milai nunnak run dingih  hnataun a tuan rero tu UN le a rualpi pawlkom pawl khal in himi thil tuah nak nasa zet in an dodal. Himi a cannak hmun cu UN le Catholic ih karuna pawlkom pawl kom khawm in harsat tuar mi 20000 luan kilkhawi nak hmun a si. Cumi lakah nauhak 13000 an um. A tui thilcang vek cu kan dung thla thum khalah hi tawk hmun ah mi 44 a thi ter tu doawk nak pakhat khal a cang. Harsat tuar 130000 hrawng cu harsat tuar umnak hmun 60 hrawng ah an ret ve. Cui mi bawm tu pawlkom pahnih cu rampi bawm in hnatuan tu pawlkom pawl an si. Himi thuthang cu Vatican thuthang ihsin kan don mi a si.

https://bit.ly/3uDlAAn