Media pawl hrangah Pope Fracis in Missa raithawi nak ah thla a cam sak. May 6.2020

Media pawl hrangah Pope Fracis in Missa raithawi nak ah

thla a cam sak ti mi thuthang. May 6, 2020

          Pope Francis in Pasca caan zarhli nak ih thlawngkai nithum ni ih zinglam Missa raithawi nak ah media zate pawl hrang tumtah nak thawn Missa sum nak a rak tuah. Ziangah tile hi ti vek ih pulh nat caan ah media ih hnatuan tu pawl in an nun liam tiangin thuthang an laak. Thu dik thu hman suak dingah Pathian in media pawl bawm hram seh tiah thla a cam sak a si.

        Cuih ni ih an ruah tlang mi cu Jn 12:44-50 sungih, “Zokhal kei mah i zum tu cu khuathim sungih a um lo nak dingah hi leilung tlun ah tleu nak in ka ra zo,” ti mi a si. Jesuh cu leiluntlun ih tleu nak a si. Dungthluntu pawl khalih hnatuan cu tleu nak keng dingah a si. Ziangah tile leilungpi cu a thim tuk ih a poi nak cu Bawi Jesuh ih tleu nak cu leilungpi in a pom duh lo. An nih cun khuathim ih um an duh sawn. An nih cu thim nak ih sal an si. Tleu nak cun kan si nak le kan neih mi hmu thei dingah in bawm. Kan nih cu sualthim sungah kan tang lai a si. Cui thim nak pawl cu that lo nak le mah le mah uan awk nak pawl an si.

        Tleu nak sungih um ding cu a har. Ziangah tile midang pawl ih in hmuh ding le in thei ding kan duh lo ruangah a si. Cui kan sambau nak cu kan  silh khah thei ding a tul. Ziangah tile Bawi Jesuh cu tleu nak a si ih leilung thuthen tu ah si lo in rundam dingah a ra a si. Kan nih khal nitin kan nun ah Bawi Jesuih tleu nak ngah in tleu nak ih kan feh a tul.

       Curuangah kan nuntuzia thleng aw in kan sual sir aw cio uh si. Thim nak in tleu nak a feh tlang uh si. Bawi Jesuh in in run dam zo. Asinan, thim nak kha zingvek a si ti hmu dingin zoh aw. Bawipa cu a tha ih kan kiangah a um ringring a si. Kan mah in run dingah leilung par ah a ra a si. Bawi Jesuih tleu nak cu tih lo in hmailam ah nor cio uh si,” tiah Pope Francis in Missa sum nak sungah in sawm a si.

https://bit.ly/35HwNBj