Mi pakhat ciar cu kan mah in duhdawttu Pathian hrangah kan mawi cio. 21 September 2020

Mi pakhat ciar cu kan mah in duhdawttu Pathian hrangah kan mawi cio. 21 September 2020

         Pope Francis in Austria ram, St. Polten ih um siikhan pakhat ih tuamhlawm rero mi mah te lawng um nakih thinlung lam ih harsat tuar nak nat (ASD) a tuar rero tu nauhak pawl le kumhra luan mino pawl cu Vatican ah cohlang in an rak tong aw. Nauhak le mino pawl hrangah a tha zet mi hnatuan a tuan sak tu zaten a lungawi thu a rak sim. Pope Francis in ASD nei mi nauhak pawl, nu le pa pawl le Ambulatorium Sonnenschein ih hnatuantu pawl tel in parish 42 tonawknak cu a lungsi thu a rak sim.

         “Vatican in kan lo hmuak. Nan hmel pawl ka hmuh thei hi ka lungawi. Nan mah khal kan mah thawn rei lo te sung um nakin nan lungawi thu cu nan mithmai in teette in hmuh,” tiah a rak sim. Nauhak pawl cu Ambulatorium Sonnenschein a si lo le 1995 kum ih rak din mi Sunshine Outpatient Clinic ah tuamhlawmnak an lak Nat dam ter nak cu nauhak pawl le kumhra luan nauhak pawl hrangah nathrik hawl nak, ruah nak tha le nathrik ihsin dam ter nak cu luanglu pakhat hnuai ah a hleice ih a tulsam mi pawl thawn a kom aw.

Hrampi lak in pangpar pawl

         Nan inn cu a mawi zet mi hmin “Sunshine” tiin an ko. Pope Francis in a sim bet mi cu a phenthlam ah thuhla a um thu a rak sim.A thuhla cu nan inn cu ni tleu sungih hrampi sungah mawi zetin a par mi pangpar thawn a bangaw ih nan nih khal “Ni tleu” inn ih pangpar pawl nan si.Pathian in leilungpi cu rawng phunphun pangpar pawl thawn a rak sersiam ih pangpar tin ah a dang pangpar thawn a bang aw lo mi mawi nak pawl an nei.Pope Francis in kan mah pakhat ciar cu Pathian hmaikaa ah kan mawi ih Pathian in kan mah pawl in duhdawt” tiah a rak sim. Curuangah kan nih in cui duhdawtnak hrangah Pathian hnenih lungawi thu sim a tul.

Lungawi thu rulh nak

         Cui hnu ah Pope Francis in “ramnung pawl zate hrangah nunnak laksawng a pek ruangah Pathian hnenih a lungawi thu, Nu le Pa pawl hrangih a lungawi thu, kan sungkua pawl ruangah kan lungawi.Cui hlei ah “Sunshine” Center ih rualpi pawl hrangah khal a lungawi thu, lungawi rulh kir nak cu Pathian ih duh mi thlacam nak a si thu,” a rak sim.

Zaangfah dil nak

         Pope Francis in nauhak pawl cu Bawi Jesuh hnenah an nu le pa pawl ih hnatuan bawm dingah a si lo le a dam lo mi pi le pu pawl hnem dingih dil a theih thu khal lamhruai phah in a rak zirh.  An mah pawl cu leitlun ih um ei ding nei lo nauhak pawl bawm ding a si lo le Pope Francis in Pawlpi tha zet ih a hoha ih lam a hruai nak ih bawm dingah Bawi Jesuh hnen dil a ngah thu, zumnak thawn nan dil a si le Pathian in nan thlacamnak aw a lo sang ding thu,” fiang zet in a rak sim.

Bawi Jesuih hrangah

         Pope Farncis in sizung ih hnatuantu pawl tel in a kai tu pawl zaten a lungawi thu a rak sim. “Hi a mawi zet mi cangvaihnak hrangah le na hnenih ap mi a nautabik mi pawl par nan tuahtuannak parah a lungawi thu, hi a nautabik pawl hrangah an tuan mi tinkim cu Jesuh Khrih hrangih tuannak a si thu,” lungawi thu sim phah in tonawknak cu a rak cawl.

         Hi thuthang cu 21 September 2020 ah Vatican thuthang ih kan don mi a si.

https://bit.ly/2G6c2qb