Mi upatnak neih lo nak cu minung thawn banglo ih tuahnak a si 29 November 2021

Mi upatnak neih lo nak cu minung thawn banglo ih tuahnak a si

29 November 2021

         Pope Francis in mivai tu pawl pawlkom dinnak kum 70 kim caanserh ah ca a kuat ih kan unau pawl ih mithmai zoh in humhim nak tuah dingah a tul thu cui ca sungah ralrinnak a rak pek.  Leitlun ihsin a vai tu thawng za leng lo hnenah tui san ih hnon a tuar mi nemhnget nak cu riahsia za a si thu a rak sim. Mivai tu pawl cu thilri pawl vek in leknak zuk pawl vekih hman an tuarnak hmuh a si.

         Ramhuap thawn pehpar mi, mivai pawl pawlkom (10M),  mivai tu mi harsa pawl thawn pehpar mi pawl hrangah a dinpi rero tu cu Jeniva khuapi ih um mi pawlkom pakhat a si. Pope cu cui pawlkom ah pawlkom sungtel dinhmun in kum 10 hrawng a rak um dah. Pope ih ca sungah Pope in 'harsatnak a tuar rero tu pakhat, ziang thuhla vek khal ah mai hlawk nak ah tuah an duh cio. Mi pakhat ih sinak ruat lo in ram pakhat ih thansonak ziang tin nan ruat cio? Hramthoknak milai sinak ti mi ruah lo sungah cun ziang tin hman minung a bang dah lo. Hi vekih thawn ih umnak cu an mah an umnak hnak in bang awk lo nak pawl, dik lo nak pawl, nunram ih covo pawl, humhimnak pawl an duhnak in nuam ten a tel ter nak a si' tiin Pope in a rak sim.

         'Mivai tu pawl ih harsatnak cu an mah thawn sai  mi a si lo. Kan mah pakhat ciar thawn tla a sai aw. A liam cia mi caan, tui tikcu, hmailam caan milai pawlkom hrangah thathnemnak a um men thei. Mivai tu pawl an tam ruangah mangbangza a si lo. An mah kha minung pakhat vekih hmuh a tul. An thuanthu pawl ngai sak a tul. Mah bulpak cio le innsungsang in mah ti thei tawk in silhkhahnak pawl tuah cio uh. Hi mi cu minung le minung lainatnak, thudik le innsungsang ti mi thinlung langternak a si.Tui san ah harsatnak a tuar tu ziang ih siar lo a ol te. Milai sinak kilkhawi in humhim dingah si nak a um mi hnatuan pawl ti daan thar pawl hawl ih tuah a tul.

         Minung pawl innsang vekin a tawn tu ding hnatuan pawl tuah a tul. Mivai tu pawl cu nunnak nei lo mi zuk pawl an si lo. Milai sinak famkim a nei mi minung an si. Hi mi mangsal in humhimnak, cohlannak pawl tuah ding hngilh hlah uh tiin Pope in ralrinnak pe phah in a rak sim.

         Hi thuthang cu Vatican thuthang ih kan ngah mi a si.

https://bit.ly/3dn5n8v