Milai sinak ih ruahnak in milai nunram man a nei ter. May 5, 2021

Milai sinak ih ruahnak in milai nunram man a nei ter. May 5, 2021

            Pope Francis in tlawngkai nithum ni ah mipi pawl thawn an tonawknak ah thlacamnak le nitin an nunram ah milai sinak ih ruahnak cohlang ih hmang dingah a rak sim. Cu mi ruat ih thlacamnak vek si lo in nunram a lak men si lo dingah nitin ei mi cite vek in a bang aw. “Zingpit ih a suak mi Ni zoh ih ruah nak a si lo le thaal caan ah thingkung pawl cu hnahhring thawn an mawi zia zoh nak, awn-mawi ngai nak, vate pawl ih aw ngai nak, ca uk siar nak le milai ih hmel suai mi zoh nak thawn ruah a theih. Pope Francis ih a sim bet mi cu khuapi ih a um tu pawl hrangah ziang tinkim mah rori ih tuah a si ruangah veikhat veihnih ah ruahnak a hlo thei.

            Pope Francis ih a ruat mi thlacamnak cu ruahnak ah pe in ‘Pathian le kan mah pehtlaih awk nak ih nunram ih kan hmuh dan a thiang ter ih thinlung a thiangfai ter’ tiin a sim. Catholic Pawlpi ih zirh mi ta lakin ‘ruahnak cu Bawi Jesuh zumnak thawn zoh mi vek a si’ tiin Pope Francis in a rak sim.Tahthimnak ah khuapi ih a um tu lothlo tu nupa pahnih in pulpit hmai ih “St. John Vianney” thlacamnak cam lai ih a rak sim mi cu ‘kan mah in kan zoh ih a nih khal in in zoh ve’ ti mi a rak kuat. “Bawi Jesuih hmuihmel in kan thinlung a vang ter ih ziang hmuahhmuah cu a mai thutak le minung pawl par ih a ret mi zaangfah nak hmu dingah in zirh” tiin a rak sim.

            ‘Ziang tinkim cu (thinlung sungah duhdawtnak thawn a zoh rero tiih a ruat tu thinlung sungih) hi hmun in a ra. Cui hnu ah thilcang cu hmuhdaan a phunphun ih ruah a tul. ‘A mah cu kan zoh ih a nih khal in in zoh’ ti mi duh a nung zet mi ruah nak cu a thuk zet mi thlacamnak ih a thupibik mi a si ih cafang tampi hman a tul lo. Bible Cathianghlim sungah khal ruahnak le a tak tak ih tuah nak pawl karlak ah dang awk nak ti vek a um lo.  Pope Francis in coronavirus karh nak ruangih rikhiah pawl ruangah dungthluntu pawl ih library ihsin a rak sim. Hi a sim mi cu thlacamnak parah Pathian thu zirh nak ih vei 32 nak a si. 2020, May thla ah a rak thok ih leilungpi a dam ter hnu ah um nak pakua hnuai ah October thla ah a rak thok.

            A thusim mi cem nak ah Pope Francis in Catholic pawl hnenah May thla sung hmuahmuah Rosary cam uh  tiin a rak sim. Tui thla ah leitlunhuap ih um Catholic Biakinn pawl in Rosary cam in coronavirus reh ding, hnatuan le nunphung cangvaihnak thok thei sal dingah thla an cam rero. “Cathianghlim sungah kawhnak pakhat lawng a um. Cu mi cu duhdawtnak thawn Bawi Jesuih dung thlun nak a si. Hi mi cu ziang hmuahhmuah lak ih a sang bik mi le a thupibik mi a si” tiin Pope Francis in a rak sim.

            ‘Hi tiin duhdawtnak le ruahnak cu an bang aw. Thinglamtah ih Mithianghlim John in duhdawtnak in thil fate zet mi nuntuzia tuah nak cu Biakinn hrangah a dang thilri pawl hnak in a thupi sawn tiin a zum. ‘Khristian pakhat in a tuah thei mi a tum bik mi mangbangza cu kan ruahnak ih a suak mi si lo in tangdornak thawn a thianghlim ter ih remdai mi duhdawtnak tuah nak a si hman ah thlacamnak ih suak mi a si   Hi mi cu ‘a mah kan zoh iih a nih khal in in zoh’ ti mi ruah nak thlacamnak ih tidan a si. Hi mi cu Pawlpi hrangah thathnemnak a tuah thei tu Bawi Jesuh thawn daiten biak awk nakah duhdawtnak ih tuah mi a si.

          Hi mi thuthang cu May 5, 2021 ah CNA thuthang ih kan ngah mi a si.

https://bit.ly/3nSkZ8s