Minung zuarnak cu ningzak lo zetin an sumdawnnak a hlawhtlin thu Pope in sim ( 6 February 2022)

Minung zuarnak cu ningzak lo zetin an sumdawnnak a hlawhtlin thu Pope in sim

( 6 February 2022)

          February 08 ni cu ram tinkim thawn pehpar ih minung zuarnak doral ni a si. Cui minung bang lo ih zuarnak pawl hlo dingah thlacam in, ruat in, minung zuarnak cu a cang thei mi tidaan thawn dodal ni a si thu Pope in kan dung Zarhpi ni, sun Angelus thlacam nakah khawmzawhtu pawl a rak sim. Nu Pawlpi in cui ni ah St. Josephine Bakhita ih puaini a hmang. St. Josephine Bakhita cu zo a si? A mah cu Italy-Sweden thi rawi mi a si. A mah cu zuarnak a tuar tu khal a si. Nu Pawlpi in a mah cu Sweden ram siseh, zuar a tuar tu pawl zate kilkhawitu Mithianghlim ih a rak nemhnget mi a si.

          Pope Francis in zuar a tuartu pawl hrangih thlacam lai ah ‘Talith Kum’ tiih hmin pek mi minung zuarnak dodalnak cu thatho zet in a tuah rero tu Sr. pawl in St. Josephine Bakhita ih zuk keng in hmunkhat ah an ret. Pope in cui zuk cu thuthangtha a simnak hmun in thluasuah a rak pek. Cui zuk cu Catholic saya pakhat a si mi Catholic zuk tuah tu pakhat a si mi Timothy P. Schmalz in a rak tuah tiah an sim. Hi zuk cu zuar a tuartu pawl le nunau tinkim ai-awhtu hminsinnak a si. A thupibik in zuar a tuar tu nunau pawl le dungthluntu hnatuan pawl, din salnak hnatuan pawl tuah rero tu Sr. pawl mangsal ih tuahnak a si. Milai zuarnak cu santhar sal tuah daan a si.

          Sintuh (zuk) cu nunau pawl ai a awh. Lamzin parih a thleng tu nunau tampi an um. An mah in minung zuarnak ih thinnat thlak zet mi hriamhma pawl an rak tuar. Minung bang lo in ningzah thiam lo mi sumdawngtu pawl ih  hlawk nak h rangih retnak hmun, fialnak ah feh, fial mi tuah, an do mi pawl an rak ei. Fialnak pawl cu milai sinak um lo mi kan khuapi pawl ah a cang rero.

          Minung zuarnak ti tikah nunau, mipa thatlonak pakhat lawng ti duhsan a si lo. Hnenum pawl vuaknak, hnatuan tampi fial in thlahlawh malte peknak, ih caan mal nak, ral khopkham ten do lo nak, hnatuan pawl ah himnak um lo nak, hnatuan hawl sak tu pawl ih sumpai pek lo nak dinhmun a phunphun zaten a tel.

          Pope in St. Peter tualrawn ih a thlengtu khawmzawhtu pawl khal an mah rori zuar a tuar tu pawl an si thei vekin mai kiangkap ah cu vek thil a cang rero pawl a um thei ruangah thaten ruat dingah, tu vekin mipi pawl hriamhma cang ter tu hnatuan ruangah milai zate ih tuukhaal a si mi Pope dinhmun in a tuar thei lo thu, curuangah minung pawl zaten mai hlawknak ih hman rero mi hnatuan a hleice in nunau, upa, nauhak pawl himnak le caantha pawl tuanvo thei zet ih humhim dingah a rak forhfial.

          Hi thuthang cu Vatican thuthang ih kan ngah mi a si.

https://bit.ly/3Hw3aVM