Missa raithawi nak ah Pope in "zumnak cu duhdawt nak a nei tu pawl hrangah duhdawt nak a si" tiah a sim. November 29, 2020

Missa raithawi nak ah Pope in "zumnak cu duhdawt nak a nei tu pawl hrangah duhdawt nak a si" tiah a sim.

November 29, 2020

            Pope Francis in zarhte niah a ropi zetmi Missa sumnak cu hmaisabik Adventu zarhpi ni ah an rak tuah ih zumtu pawl Pathian thawn nai deuh in um dingah le mah kiangkap ih a um tu pawl hrang rian dingah a rak sim. Pope Francis in kan dung Adventu zarhpi ni ah Cardinal thar 11 thawn Missa raithawi nak an tuah ih thlacam nak ah thinlung hngetkhoh nak le duhdawt nak in an thinlung a thang phok dingih Pathian hnen zangfah dil nak hrangah zumtu pawl a rak thangphok. Zarhte sun zanlam ah Pope Francis in continent tampi sungin Cardinla thar 13 a rak hril. Cui Cardinal pawl sung ih pahnih a simi Brunei ram ih Cardinal Cornelius Sim le Filippines ih Jose Advincula pawl cu khual tlawn nak thawn pehpar mi rikhiah pawl ruangah anmah rori an rak tel thei lo. Pope ih a thu sim mi ih a thupi bik mi cu "ih that nak ihsin in thang phok dingah" Pathian hnen ih zangfah dil nak le ziang siar lo nak thim nak ihsin in thang phok dingah Pathian hnen ih zangfah dil nak a si.

            Cui niih Gospel ih Adventu tikcucaan ih tawhfung ai ih cafang pahnih asimi "nel awk nak le hngakhlap nak" cu Pathian ih "nel nak" le kanmah pawl ih "hngak hlap nak" timi tongfang pahnih a hmang. Pope cu Profet Isaiah in "Pathian cu kanmah thawn a nai thu" a sim ih "Gospel Cathianghlim ah Bawi Jesuh cu a rat sal nak ding ruahsan in hngak dingah" a forhfial. "Nel awk nak" Profet Isaiah ih a sim nak vekin "nel awk nak" timi tongfang cu zoh sal nak ah Pope in "Adventu tikcucaan cu kan karlak ah a um tu Pathian ih nel nak cu ruat nak ding caan a si" tiin a sim. Pathian in kan hnen ah nel awk nakngah dingah a dil tu Profet hnen "vansangka ong in rong tum aw" tiin thla a cam.

            (Isaih 64:1) Pope in Pathian cu kan hnen ah vancung sangka ong in tum dingah kanmah pawl cu tuini Saam ah thlacam in "zumnak ih a hmaisabik kekar nak cu Pathian kan tul thu, kanmah pawl cu amah thawn nai aw dingah a tul thu sim dingah a si" tiin a sim fiang. Pope in petbet in a simmi cu "cumicu Adventu tikcucaan le biak khawm nak thawn pehpar mi kum ih a hmaisabik thuthangtha a sim ih "kanmah pawl cu Pathian ih nelawk nak kha cohlang dingah le kanmah pawl thawn nel aw sal dingah a rong tum ding thu Pathian hnen dil a tul. Pathian cu kanhnen ah um a duh thu, tui ni kan nunram ah Pathian ih sawm nak cu kan par lawng ah a thum awk thu a sim. Adventu tikcucaan cu "Bawi Jesuh cu kan lak ah a tum ih, neitabikcaan ah a rat sal ding thu" ralrin nak a pe. Curuangah zumtu pawl dinhmun in "Aw Bawi Jesuh, rong tum aw" tiin thla cam nak cu nitin ten tuletu cam in, thurelkhawm nak thawh hlan ah kan zingzoi nak pawl le tuah nak pawl, thu potcat nak tuah hlan, nunram ih a thupi mi caan asilole harsat caan pawl ah "Aw Bawi Jesuh, rong tum aw" tiin thla cam a tul thu a cah.

Hngak nak

            Cuihnuah Pope Francis in hngaknak timi tongfang parah thinlung retin Bawi Jesuh kha kanmah pawl in naih dingah kan dil asile ruah san nak nei ding ah a tul ding. Tuini Gospel Cathianghlim ah "St. Marku in Bawi Jesuh cu a dungthlun tu pawl hnen netabik a sim mi "hngak uh" timi tongfang pahnih thawn cem ter a theih. "Hngak dingah a tul. Ziangruangahtile nunram ih a thu pi mi thucah pakhat cu Pathian thei loin thil tampi sungah duh zet ih umnak a si" tiin a sim. A lak asimi thil tampi le kanmah pawl ih hip nak thawn kan ruah nak bui in um lo thei loih a tul mi thil pawl ziang ih rel lo nak cu  a hmanmi buai nak tumpi a si. "Kanmah pawl hngak dingah a tul" ti duh san cu a tu a thleng zo ih kanmah pawl cu thim nak le tihphan nak karlak ah zing khuavan caan hngak nak a si. Ni ih tleu nak cu Pathian thawn um tlang nak ding caan ah a thlen ding" tiin a sim.

Ruahsan nak thawn um nak

            Pope in zan ih thim nak cu a hlo ding. "Pathian ih rat sal nak cu ruah san nak thawn hngak nak timi cu thin thanau nak thawn mahlemah neh aw ter loin ruahsan nak thawn nung dingah a si". Pope in "ih that nak in kanmah pawl mahlemah ziangtin thang ding in kan tuah ding" timi thusuh nak cu thlacam nak in thang harh dingah tuah a theih thu asim. Thlacam nak cu kanmah pawl a sang deuh mi thil pawl in zoh ter. Thlacam nak cu kanmah pawl Pathian thawn in nel aw ter. Thlacam nak cu Pathian le kanmah in nai aw ter ih mahten um nakin in luat ter ih ruah san nak in pe. Nunnak hrang thlacam nak cu um lo thei lo in a tul. Thaw thawt lo asile nung a theih lo vekin kanmah pawl cu thlacam nak tel loin Khristian kan si thei lo.

Duhdawt nak ih thangphok nak

            Pope in petbet in ziang ih rel lo nak ihsin mahlemah thang phok thei tu lamzin cu duhdawt nak ih thang phok nak a si. Duhdawt nak cu Khristian pawl ih thinlung a nung ter tu a si. Lungtur loin nun a theih lo vekin mi pakhat cu duhdawt nak um loin Khristian a si thei lo. Mi pakhat zangfah nak, bom nak le rian tuan nak cu neih nak in ngah ter tu thil pawl an si. A san cu thil dang zaten hla hman sehla duhdawt nak cu pakhat lawng asimi a um ringring dingmi hmailam a hmuh ruangah a si.

Duhdawt nak le zangfah nak hnatuan cu kanmah pawl Pathian thawn in nai aw ter

            Pope Francis in Khristian pawl hnen "a tu Pathian ko uh. Bawi Jesuh rong tum aw. Bawipa kan lo tul. Kan kiang ah rong tum aw. Bawipa nangmah cu tleu nak, san nei loih ih thah nak, hngilh nak pawl in in thang harh aw. Bawi Jesuh rong tum aw. Ruah nak a buai mi kanmah pawl thang in thlacam nak, a tulmi thuhla le duhdawt nak kan tul thu kan sungah in thang harh ter aw" tiin thlacam nak le duhdawt nak nei dingah ralrin nak pe in thuthangtha sim nak cu a cawl. Himi thu cu Vatican thuthang ihsin kan ngah mi a si.

https://bit.ly/36wiylb