Mit hmai pan ringring tiih timi Pope John Paul (I) Pope Francis in 2022 September thla ah Blessed tiin khaisang ding December 23, 2021

Mit hmai pan ringring tiih timi Pope John Paul (I) Pope Francis in 2022 September thla ah Blessed tiin khaisang ding

December 23, 2021

          Pope Francis in a hlan ih Pope John Paul (I) ih thlacam sak nak ruangah ngah mi mangbangza pawl a theihsak ih, a tu ah cun Blessed tiin khaisang a si thlang ding. Mithmai tha Pope tiin tuletu kawh mi Pope John Paul (I) cu Pope tiin ni 33 rei Pathian rian a tuan hnu September 28, 1978 ah rinlopi’n a nunnak a cem. Cui Pope ih Pathian hrang hlan ih a thupit ter mi cu aveihnihnak Vatican council pi a si.

          Asinan Pope hril a sihlan ihsin Albino Luciani cu a tangdornak, thlaraulam zuamnak, farah zonzai nak pawl a thu pit ter nak le zumnak theihthiam nak thawn zirhawk nak ah mi theih tam a si thu, Pope Francis in Pope John Paul (I) cu October 13 ah a nemhnget nak ih thuhla bik le a thianghlim mi nunnak ah thleng dingah a dang Blessed 6 ih thuhla pawl thawn Mithianghlim khaisang nak a dot dot kha tuah bet thei nak a pe.

          Pope John Paul (I) cu 2017 ah Pope Francis in Venerable (upattlakmi) tiin a rak than. Italy thuthang II Messaggero ih a tu zarh ih an sim mi vekin Pope John Paul (I) cu Ester thosal puai hlan ah Blessed tiin an khaisang ding thu, Blessed thar ih nunram thawn pehtlaih awknak a um bik mi a suahnak ram ah Blessed khaisang nak caanserh pawl tuah a si theu nan Pope John Paul (I) cu Pope tiin hna a rak tuan ruangah Vatican ah caanserh an tuah thei tiin an sim.

          Pope John Paul (I) ih thlacamsaknak ruangah mangbangza cu Argentina ram, Buenos Aires Archdiocese ih nunau pakhat cu a thluak a tuahmawh ngah ih a besia mi nat, thluak lam nat nak phunkhat ihsin 2011 sungah mangbangza in an tuamhlawm nak ruangah a dam tiin an sim. Kan dung kumah Pope Francis cu Pope John Paul (I) ih ruahnak le zirh nak pawl khaisang dingah Vatican foundation a rak din.

          2020, April 28 ih suah mi L’Osservature Romano ih ca tlang pakhat ah ramdang prime Minister Cardinal Pietro Parolin in Pope John Pual I cu caan tawite sung biaknak lam tuanvo a tuan nan Pawlpi thuanthu ah a thupi mi thu pakhat tiin a um tiin Pope John Paul II in a rak hminsin thu a sim.

          2008 ah Pope John Paul (I) a thih nak kum 30 kim ni ah Pope Benedict XVI in khal Philipi khuapi pawl hnen St. Paul ih ca ah dungthluntu ih ngan mi “mah hrang lawng thu ruahnak, hngalnak ruangah ziang hman tuah hlah. Hivekih tuah ding hnakin midang kha mah hnakin thupi sawn in tangdor nak thawn cingkeng aw” tiin thu a sim. Himi thutang cu CNA thuthang ihsin kan don mi a si.

RVA Falam Service

https://bit.ly/3FCujW4

https://www.youtube.com/watch?v=3k12oQ32UhE