Mithianghlim (6) khaisan thleinak hrang hmainor ih tuah dingah Pope Francis in Sim.

Mithianghlim (6) khaisan thleinak hrang hmainor ih tuah dingah Pope Francis in Sim.

          Mi menmen nunau pakhat le Blessed (5) Mithianghlim ih khaisang thei dingah dot hnihnak a si mi upat tlak zet mi pawl ih tuah bet dingah Pope Francis in a rak sim.

Pope Francis in Italy ram le Spain ram ih mipi nunau pakhat, Blessed Sr. pakhat, Puithiam 4, an zaten (6) Mithianghlim cang dingih tuah ding mi dinhmun pawl sung ihsin upat tlak dinhmun ah an rak khaisang. Nunau pahnih le Puithiam 4 Mithianghlim cannak thu hla mipi theih in a rak than ih a danglam mi thupek (6) than sak dingah Pope Francis in tlawngkai nili ah a rak nemhnget sak.

         Cu mi sungah upat tlak mi dinhmun in mi menmen Italy nunau pakhat a tel ih a hmin cu Pathian ih salnu ti mi Bertilaa Antoniazzi a si ih 1944-1964 tiang Italy ram, Veneto khuapi ah kum 20 rei rak um tu a si. A mah cu a nasa zet mi thawthawtnak lam in thawthaw harnak natnak ruangah a kum 9 ah Vicenza siizung ah a rak um ih a natnak ruangah a caan cu innsung ah a rak um tiah a sim. A rak theihthiam mi cu siizung ih umnak thawn a damlonak nun ram thupit in mi harsa pawl hnem dingah mi sual pawl le thlarau pawl cu Pathian hnenah a hlan sak ih a mah le mah ap aw dingah a si ih a mah lawng um loin a harsatnak pawl Pathian hnenih hlan thiam tu a si.

        A mah cu siibawi pawl, nurse pawl thawn an nel awk lawng si loin mina pawl thawn khal an kom aw ih Pathian zum ih a upat vekin a natnak ruangah veikhat hman a rak phunzai lo thu le a natnak pahsuak phah in a nunram ih netabik caan hman ah ziang tik hmanah a rak phunzai lo tiah an sim. 1963 ah Lourdes Bawinu hnenah khawmzawh phah in Bawinu hnenah a dam lonak dem ter deuh dingah thlacam loin a thianhlimnak hrangah thla a rak cam. Tlawngkai nili ih rak suah mi a dang thupek pawl cu Italy ram le Spain ramihsin hminthang zet mi mipa 4 le nunau 2 pawl ih raltha zet mi ziaza pawl thawn pehpar mi a si ih cu ziaza neitu pawl cu Pathian ih riantu a si mi Miguel Costay Llobera a si ih Majorca Cathedral, thu lairelnak pawlkom sungtel mi Puithiam a si.

          1854, March 10 ah Pollensa (Spain) ah a rak suak ih 1923, Oct 16 ah Spain ram, Majorca ah a nunnak a rak cem. Pathian riantu Gaetano Francesco Mauro cu Diocese Puithiam pakhat a si ih a umnak hmun ah Biaknak lam ih zuam zet mi Pathian thusimtu saya pawlkom rak dintu a si.1888, April 13 ah Italy ram, Rogliano ah a rak suak ih 1969, Dec 31 ah Italy ram, Montalto Uffygo ah a nunnak a rak cem. Pathian riantuantu Giovanni Baria cu Diocese Puithaim a si ih 1914, Jan 31 ah Italy ram, Turin khuapi ah a nunnak a rak cem. Thukam pathum lak mi the Servant of God congregation ih Vincente Lopezde Uralde Lazcano cu 1894, jan 22 ah Spain ram, Vitoria ah a rak suak ih 1990, Sep 15 ah Spain ram, Cadiz ah a nunnak a rak cem.

        Pathian riantuantu Maria Margherita Diomira cu zaangfahnak neitu Tuukhaal Sr. congregation ah nunsung thukam laktu Sr. pakhat a si. A mah cu 1651, April 26 ah Italy ram, Firenzuola ah a rak suak ih 1677, Dec17 ah Italy ram, Florence ah a nunnak a rak cem. Pathian riantuantu mipi nunau, Bertilla Antoniazzi cu 1944, Nov 10, San Pirtro Mussolino ah a rak suak ih 1964, Oct 22 ah Italy ram, Vicenza ah a nunnak a rak cem.

Hi thuthang cu Vatican thuthang ih kan ngah mi a si.

https://bit.ly/3XyZ33h