Mithianghlim Faustina ih puai ni cu kan Nu pawlpi in khum khat sung ih biak khawm nak ah a telh. May18, 2020

Mithianghlim Faustina ih puai ni cu kan Nu pawlpi in khum khat sung ih biak khawm nak ah a telh. May18, 2020

   St. Maria Faustina cu Poland miphun a siih, sister pakhat a si. A mah cu zaangfah lai nat nak Bawi Jesuh duh dingah lang nak a hmu tu mithianghlim pakhat a si. A puai ni cu October thla 5 ah kum tin tuah a si. Pope ih kut tang ih Pathian thangthat nak thawn peh par mi zungpi ihsin mani May thla 18 ah thu pakhat an suah. Cui ca suah mi cu St.faustina ih puai nicu kan nu Pawlpi ih kumkhat sung biak khawm nak ih calendar ah bet ding in a si. May (18) cu Pope John Paul (II) ih kum za kum suah ni sunglawi thawn khal a tong aw.

         Pope John Paul (II) in St. Faustina cu (2000) kumah Mithianghlim tiin a rak ngam hngek. Amah ih puai cu kan nu Pawlpi ih puaui phumthum (nupi ni vekih tuah mi puai, nipi ni tluk asilomi puai, tuah lo a ngah lomi puai, hmun le ram dinhmun ah tuah khal le a tha, tuah lo khal le a poilo) lakah hmun le ram dinhmun ah tuah khal le a tha, tuah lo khal le a poilo mi puai ah a tel. Ca suah micu a tang lam vek in a si.

         Sankhat hnu sankhat ah amah a tihzahtu pawl cu a zangfah a si (Lk 1:50). Himi cu Bawinu Maria ih 'Magnifinat' thlacam nak a si. Minung zaten hrangah Pathian ih rundam nak hnatuan ruat in St. Faustina cu vancung in lang nak a hmu. Cumi lang nak sungah zangfah lainat thaim tu Pathian ih mithmai cu Jesuh Khristu ah a hmu ih, a mah cu Jesuh Khristu ih zangfah nak phung tu ah a cang.

         St. Faustina cu (1905) kum, Polan ramah a rak suak ih, (1938) kumah a nun nak a rak cem. A tawi zet mi a nun nak ah St. Faustina cu Bawinu ih zangfah duhdawt nak ih sister pawl thawn a nun nak a rak hmang. Mithianghlim sinak a ngah hnu thlarau lamah nasa zet ih thangso dingah a zuam. Thlarau lam ih a ngah mi laksawng pawl cu raltha zet le ram aw zet in a rak hmang. Amah ih nitin thlarau lam ih hmin sin nak ah jesuh khrist thawn an ton awk daan le Bawi Jesuh Khrist in ziang tivekin a hmang ti a ngan.

         Curuangah Pope Francis in siangbawi pawl, sister pawl, kawhhran mipi pawlin dil nakin St. Maria Fautina cu kan nu Pawlpi ih kumkhat sung biak khawm nak calendar ih bet ding ah a lung a kim. Curuangah tui kumihsin thok in, October ni (5) ah an ngam hnget.  

https://bit.ly/2LISubf