Mithianghlim Sebastian thuan thu tawi sim nak

Pathian ih duhdawtnak a mal, a heu ti a um lo!

January 13, 2021

          Pope in tlawngkai nithum ni ah khawmzawhtu pawl thawn an ton awk caan ah Pathian thangthat nak thu a rak ruat. Thuruahnak cu Bawi Jesuh in a nunram ih a hmuhton mi pawl thawn a rak thok. Bawi Jesuh in Vancungram thu a sim tikah mangbangza pawl khal a rak tuah. Asinain, rundamtu ih riantuannak cu harsatnak a rak tong. Bawi Jesuh hmai ih Baptism rak pe tu Johan khal in a par ah rinhleh nak a rak nei. Pathian thuthangtha a ngai tu mipi pawl khal Bawi Jesuh le a thuthangtha sim mi an rak dodal. Hi vek in remcang lo nak pawl a tong ko nain, Bawi Jesuh in Pa Pathian a rak thangsiat lo ih lungawi ten a rak lawm. Ziangahtile Bawi Jesuh in Pa Pathian hnenah lungawi thu a rak sim ih a rak lawmPathian cu a si nak thawn lawm a co

          Bawi Jesuh in Pathian si nak ih a suah nak vek in Pathian a rak sunloih. Van le leilung a uk tu tiah a rak ko. Hi vek ih thlacamnak cu Pa Pathian cu leilungpi uk tu a si. Curuangah thaw nei tu pawl le thaw thaw thei lo mi pawl a uk tu Bawi a si. Pa Pathian thangthatnak cu a mai a sang bik mi a Fapa ti mi ruahnak hmuhtonnak ih a suah nak a si.

Pathian in mi te nau mi pawl thluasuah a pek

          Bawi Jesuh ih thlacamnak ah a nautabikl mi pawl thluasuah pe in a kilhim ruangah Pathian hnenah lungawi thu a rak sim. Bawi Jesuih thuthangtha ngai tu mipi pawl sungin mah le mah mifim, mithiam pawl tiih a ruat aw tu pawl khal an um. Hi pawl in Bawi Jesuih thusimmi pawl rinhleh nak thawn an thlingthla.Cui thanau bik pawl cun Bawi Jesuh ih thuthangtha khal sambaunak um lo in an rak cohlang. Hi vek ih a can nak cu Pathian ih duhnak a si ih hi vek in a cannak hrangah Bawi Jesuh cu a lungkim zet.

          Kan nih khal kan lungawi a tul ih hlei ah kan nih khal tangdornak thawn Pathian thuthangtha zum in kan cohlan a tul. Bawi Jesuh ih thlacamnak cu cui caan ah a sung mi vek a rak si. Cu vek in kan mai sunnak khal a danglam mi hmuhnak thawn zoh a tul.

          Pathian thangthat nak ah a thupibik in thatlonak in in huap caan khal ah Pathian thangthatnak cawl hlah uh. Thlacam bet a tul. Hi vek ih tuah nak cu Pathian hrangah a si lo. That lo nak kha tha khoh zet ih pahsuak thei dingah a si.

Tukforh nak toncaan ah khal Pathian thangthat uh

          Thangthat phah ih thlacamnak cu thinlung thiangfai mi pawl ih thinlung sungih a nung mi lungawi nak a si. Hi thinlung a nei tu pawl in Pathian an Biak hlan pi ihsin zumnak ah Pathian a duhdawttu pawl an si. Thluasuah um nak cu nuam caan lawngah a si lo. Harsatnak ton caan khal ah Pathian thangthat thiam a tul. Hi vek ih a tuah thei tu cun hmuh daan thar, ruahnak thar in a hmu ding a si. A ruah mi a dik vivo ding. A ruah nak a kau ding ih hlapi tiang a hmu thei ding.

Mithianghlim pawl ih zohthih tlak nunram

          St. Francis  Assisi in Pathian ih sersiam nak thangthat nak hla pakhat ah Laudato si ah a remcang caan ah thangthat hla ska nak a si lo. Harsatnak caan ih thangthat nak cu duhsan a nei zet mi thlacamnak a si. Hi thlacamnak cu St. Francis in a nunnak a cem zik zawng te tiang tukforh nak cu taikhap vek in nasa zet in a tuar thu a rak ngan. Cu vek caan ah Mithianghlim pawl cun dinhmun a phunphun hrangah Pathian an rak thangthat thei. Sersiamnak ruat in thazaang la phah in a rak thangthat. Thih nak khal a rak thangthat thei.

          Thihnak khal cu nunram thawn then a theih lo mi unau ah a rak ngan. Kan nih in Pathian cu tikcu hril lo in le dinhmun hril lo in Pathian kan thangthat thei thu Mithianghlim pawl ih zohthihtlak nunram in in zirh a si. Ziangahtile Pathian in minung pawl kan that ah siseh, kan siat ah siseh, in duhdawt ringring. Hi thinlung um tu daan cu thangthatnak ih a hrampi a si. Pathian cu tukam a thlen suak tu rualpi tha a si. Pathian ih duhdawtnak cu ziang vek dinhmun khal ah a mit dah lo ding.

          Hi thuthang cu Vatican thuthang ih kan don mi a si.

https://bit.ly/3qo7w8y