Mithianglim pawl upatnak ruahnak luan ter lo dingah Pope in sim (February 02, 2022)

mithianghlim_pawl_upatnak_ruahnak_luan_ter_lo_dingah_pope_in_sim

Mithianglim pawl upatnak ruahnak luan ter lo dingah Pope in sim

(February 02, 2022)

          Pope Francis in tlawngkai nithum ni tinten khawmzawhtu pawl thawn an tonawk tikah thuhla pakhat khat thawn pehpar in a sim theu. Tui zarh ahcun zumnak hrampi (Dungthluntu pawl ih zirh mi thlacamnak) sungih a tel mi ‘Mithianghlim pawl thawn pumkhat sinak thuhla a rak simfiang. Hi thuhla thawn pehpar in ziang a ti dusan ti suh tikah simfiang a har zet.

          Pope cu a nauhak lai ah hi thuhla thawn pehpar in an rak sut dah ih a theih daan vekih a rak sim mi cu ‘Mithianghlim pawl ih Bawipai Thi le Sa sannak’ a ti duhsan tiin a rak let dah. Ziangah hi tiin a rak let ti le mirang tongih sim a si le ‘the communion of saints’ ti a si ih ‘communion’ ti mi ‘First communion’ pawl vek a si. Hi mirang cafang cu ‘pawlkom’ khal a ti suhsan a si. Mithianghlim pawl cupumkhat an si ti tikah an mah cu leitlun ih um minung pawl thawn pumkhat an si thu, kan dil mi cu an mah in Pathian hnenah in dil sak thu, an mah cu thawm huham a tuah tu pawl an si lo thu a ti duhsan a si.

          Mithianghlim pawl upat ti tikah mitkherh hmuhnak a si lo. Ruahnak luan mi khal a si lo. A fiang bik ih sim a si le leitlun ah a tha bik, a thianghlim bik, zohthim tlak in an rak nung ih tu ahcun Vancungram ah Pathian hmai ih a um rero tu an mai unau pawl thawn nel aw ten an bia aw. Mithianghlim pawl hnenih thlacamnak thawn siseh, Novena thawn upatnak cu unau pawl thawn biakawk mi vek a si. Mai tul mi pawl bawmnak dil dingah in sim sak dingah apnak a si tiah a a sim.

          Pope ih thuzirhnak cemnak ah mipi lak ah pakhat lawng a hung au. Pope in cu mi cu tha ten a rak ngai. Tui Zarh kohhranpi pawl thawn tonawknak cu mipi lak ah a au tu hrangah thlacam sak dingah, a mah in pakhat khat a tuar rero thu, zaangfah a um thu, a tuar rero ruangah a aunak a si thu, a mah in pakhat khat a tul thu, hi vek in a tul tu pawl ih au aw ziang siar lo ih um lo dingah kan zaten Pathian ih Bawinu hnenah thlacam sak cio uh si tiah a rak sim.

          Pope in tui Zarh ih ruah mi thawn pehpar in a mah dinhmun in kum (40) luan St. Joseph upatnak a rak pek thu khal khawmzawhtu pawl hnenah a rak sim sal.

https://bit.ly/3B7RAho

Add new comment

14 + 2 =