Mivai pawl cohlang asile kiangkap le Kohhran pi a thangso tiin Pope Francis in sim November 12, 2021

Mivai pawl cohlang asile kiangkap le Kohhran pi a thangso tiin Pope Francis in sim

November 12, 2021

              "Latin American ih an hmuhton mi vek a si le mivai pawl tlamtling zet ih bom nak cu thluasuah pakhat a si. Liannak ih a hrampi a si. Cutivekin kiangkap khal thangso dingah tha pek nak khal a si" tiin asim thu, Pope Francis cu amah ih "Fratelli tutti" capi thawn pehpar aw in "mivai pawl a bom tu pawlkom pawl" ih thurelkhawmnak ah a tel tu mi 200 hnen asim. Himi pawlkom cu Italy ram Catholic Bishop pawl pawlkom ih hohanak hnuai ih um mi a si.

              November 9-12 tiang Rome khuapi ah "Europe ih Italy miphun pawl le Khristian Pathian riantuan pawl" thuluu thawn thurelkhawmnak an tuah. Pope Francis cu mivai pawl cohlangnak thawn pehpar in thu 4 a sim bet. Cui thu 4 cu ziang ih rel lo tikah a tum mi buainak ton a theih. 2016, March 22 ah Brussels, Belgium, Zaventem vanzam colhnak ah bung vei 3 rori a buak. Cui thiltuahnak cu mipi pawl ih cohlannak a ngah lo tu innsang pawl ih fa le pawl an si.

              Mivai pawl cu Europe le an umnak Kohhran pi hrang thluasuah pakhat a si. Asinan anmah pawl thazet in cohlang thei asile lungrualnak a suah thei. Cutikah "Catholic" sinak (mitinkim thawn pehpar nak) kha a lang ter. Dungthluntu pawl hnen in a suak mi ti a lang ter. Thianhlim nak a lang ter thei.

              Pope Francis in St. Francis Xavier Brini kha tahthimnak ah a hmuh. Cui Mithianghlim cu 1946 ah Mithianghlim tiin khaisan asimi a hmaisabik America mi a si. Amah cu America ih a vaitu Italy miphun pawl ih thlarau hrang Pathian hnatuannak Sister pawlkom a din. A tui thurelkhawmnak cu Europe ih avai tu Italy miphun dinhmun in Pathian riantuannak thinlung nei dingah, cutilawngah Gospel thuthangtha lamzin thar thawn sim a si ding. Curuangah mivai pawl cu kanmah tiin thei thiam dingah, Europe cu zaten hrangah him zetin umnak inn si dingah, zumnak thlaici khal thlennak tinkimah vorh dingah a forhfial. Himi thuthang cu Vatican thuthang ihsin kan don mi a si.

https://bit.ly/3HnfUOO