Moroccan nauhak zate ih bomnak in an runsuak thei thu Pope in thupi ah ret in sim. February 6, 2022

Moroccan nauhak zate ih bomnak in an runsuak thei thu Pope in thupi ah ret in sim.

February 6, 2022

            Media ah thuthang sia, tih a nung mi thilcang, a tha lo mi mithat nak, rinlopin accident nak tampi hmuh le theih a theih. Asinan tuitum cu a mawi zet mi thilcang pahnih ka rong lang ter duh. Cumi pahnih lakah pakhat cu Rayan tiih kawh mi Moroccan nauhak pakhat run dingah mi 12 hrawng nasa zet ih an hnatuan nak thu a si. Cupa cu tikhur sungah a tla. Cui thilcang hmu le thei tu kiangkap mi tinkim cu tikcu khel in run dingah an zuam. An zate in an zuam nan cupa cu tikhur ihsin an suah ahcun a nunnak a um nawn lo. A nunnak an run ngah lo ruangah thin nuam lo za asinan an tuan tlang nak cu cumi thilcang kiang ih ummi tinkim cu pa ih nunnak run dingah an tuan tlang nak a si. Cun hmun khat ten an tuan nak cu Pope in a sunloih ih, a lung a awi.

Thinnuam lo za rinlopi thil cang pakhat

            Moroccan siangpahrang hauhruangah cui nauhak a thih nak thawn pehpar in thinnuam lo za rinlopi thilcang tiin thu than pakhat an suah. Hi thilcang cu kandung tlawngkai nihnih ah a cang ih, thuthang cu Moroccan zate thin a nuam lo ter. Tikhur a thuk lam meter 32 a thuk. Cutluk a thuk mi tikhur sungah a tla nan a thi loihli lo. Zanlam ah cupa ih a au aw cu a innsang pawl in an thei. Cutiin tikhur cu a kau tuk lo ruangah run loihli ding ah a har. Mi run tu pawl an thleng ih  run nak ding thilri pawl thawn cui tikhur ih a thuk nak thawn kaih in run ngah dingah zuam zet in an tuah. Thuthang a thei tu mipi pawl khal runnak hnatuan pawl ih tuan nak an zoh. Biaknak lam hla sak nak, thlacamnak pawl khal an tuah. Tlawngkai nili tiang a nung lai. Cuini ihsin thokin ziang hman thei nawn loin mi runtu pawl ih an run thei ni ah cun kum 5 asimi nauhak pate cu a nunnak a cem.

            Tikhur ihsin a lengih a thlen veten a rak hngak cia tu mina phur nak mawtaw parah an ret cih. Hivek ih rinlopi thilcang hi a cang mal. Kan dung kum khalah Syria ah kum 10 mi nauhak pa pakhat cu tikhur sungah tla in a rak thi ve. Himi thuthang cu Vatican thuthang ihsin kan don mi a si.   

https://bit.ly/3Jd58dZ