Nauhak pawl hnatuanternak cu nunphung pawlkom ih hmailam caan dodalnak a si tiah Pope Francis in sim. (November 20, 2021)

Nauhak pawl hnatuanternak cu nunphung pawlkom ih hmailam caan dodalnak a si tiah Pope Francis in sim.

(November 20, 2021)

          Mai hlawknak hrangah nauhak hnatuantu pawl tuanman malte, hnatuan tampi la in hlawknak (myat)  hawl nak cu Pope Francis in nasa zet in a rak sim. Nu Pawlpi in nauhak hnatuantu um lo dingin khaisan nak lam, nauhak pawl ih thatnak le mipi thatnak hrangah ap aw in a tuan vivo ding tiin a rak sim bet. Pope ih sim mi ah leitlunhuap ih um nauhak zate ih harhdamnak, fimthiamnak, hmailam ih covo pawl thuhla cu ram tinkim thawn pehpar mi thurelkhawmnak ih a tel tu pawl hnenah a rak sim. Ramtin dinhmun in nauhak pawl hnatuan ter nak thawn pehpar ih fial nawn lo dingah zuam dingin Pope in ‘Eradicating Child Labour, Building a Better Future’ (Nauhak hnatuan bal, a tha sawn mi hmailam caan din) tiih hmin pek mi thurelkhawmnak ah a rak forhfial.

          Hi thurelkhawmnak ah nauhak hnatuan hlo ter ding thurelkhawmnak an tuah ih kum 20 rei lawngih tuah mi a si hlei ah tui dinhmun ah nauhak taan 160 covid pulhnat sia ruangah harsatnak tampi ton caan thawn khal a deng aw. Cu vekin ramhuap nauhak hnatuannak hloh ter nak cu UN ih catbang lo ih tuah rero mi tumtahnak a si. Pope in nauhak pawl ih a hrampi covo pawl kilhimnak cu milai pawlkom ih tu le hmailam caan hrangah tikcu remcang a si. Nauhak pawl kan upatnak cu an mai suahkeh ih an sinak le a hrampi covo pawl upatnak a si.

          Hi tiin kan thinlung um tu daan an mah vekin um ter a duh, can ter a duh ih kan din duh mi milai pawlkom khal dinnak a si. Technology ih thansonak a nasa tuk ih leitlunhuap hmun tinkim ah thlennak ruangah nauhak pawl ih harhdamnak, ruahthiamnak, thinlung lam thansonak a hringhro rero.Nauhak pawl ih covo famkim ngah in thanglian mi caantha le technology an sung rero. Pakhat theh hnuah , pahnihnak ti vekin covid pulhnat khal in tuanvo a tam ter sinsin.

Nauhak pawl cu midang pawl ih hlawknak hrangah hman an tuar rero. Nauhak hnatuan ti tikah inn lam hnatuan pawl bawmnak thawn cawkrawi lo ding ka duh. Nu le pa pawl ih innlam hnatuan pawl tla nauhak pawl ih ti thei mi lawng tuah ter a tul. Nauhak hnatuan ti tikah nauhak nunram ih fimthiamnak, thansonak phunkim pawl an ngah lo. Hnatuan lawng thaten tuan ter vek a si. A parlam ih sim zo vekin covo pawl zaten sunnak cu nauhak pawl ih hmailam caan lon mi vek a si. Cu vekin milai nunphung khal in ram mipi tha a sung ter. Hi ti tuahnak cu milai covo siatsuahnak a si.

Nauhak hnatuan tiih sim mi ah tu lai san ih sumpurleilawn daan sual an puh. A ngaingai ah cun farahnak a si. Hnatuan nei lo ah an cang. Cui dinhmun pawl ruangah innsang ei in a remcangt lo ih netabik ahcun nauhak hnatuannak pawl hmannak a si. Nauhak hnatuannak hlo dingah a tak tak ih tuah duh a si le pawlkom pakhat lawng in a ngah lo. Farahnak do tlang a tul. Tu lai san ih sawmdawn daan rem a tul. Ziangah tile tu lai san ih sumdawn daan cu mi mal sawn lawng lian mi daan a si.

Curuangah ram ih sumdawng tu pawl hnenah Pope ih zaangfah dil mi cu a tawk zawn mi hnatuan mah thawn pumcawmnak lam a remcang ter mi hnatuan pawl tuah sak dingah, cu lawngah innsang pawl dinhmun in kumkim hrih lo mi mai fa le pawl hnatuan fialnak hrial a theih ding. Cu vekin thiamnak a khat mi man lo ih fimzirnak tuah sak dingah, man lo ih kilkhawinak tuah sak dingah khal tuan tlang dingin zaangfah a rak dil.

Hi thuthang cu RVA thuthang ih kan ngah mi a si. iHi

https://bit.ly/3FGvUty