Nauthlaknak buainak cu sience ti dan in tuah dingah Pope Francis in zaangfah dil December 4, 2020

Nauthlaknak buainak cu sience ti dan in tuah dingah Pope Francis in zaangfah dil

December 4, 2020

          Pope Francis a suah nak ram, Argentina ram ah President Alberto Fernandas in kan dung November thla sungah nauthlak nak on ding upadi daan tuah dingah hluatdaw ah a thunlut.“A mah cun mipi ih harhdamnak hrangih tuah nak a si ruangah Pope Francis a thinheng lo ding tiih a ruahsan thu” simfiang nak a rak pek ruangah Catholic Media ah a thupibik mi thuthang ah lang ter a rak si.

          Cu vekin on nak dingah cun nauthlaknak tha petu pawl in 2008 ah a voikhat an rak zuam nain an rak hlawhtling lo.Tu a voihnnih nak an zuam caan ah cun Pope Francis in a nel zet mi Puithiam pakhat hnenah ca a kuat ih a ruah nak cu pehtlaih nak a nei tu pawl hnenah a sim ter bet.

          Pope Francis ih ruah nak ah “Mi tampi cun nauthlak nak buai nak cu Biaknak lam buainak tiin an hmu ih a tak tak ih theih dingah cun an zuam lo thu, a ngaingai ah cun hi buainak cu minung pawl ih buainak a si. Nauvon mi pawl in minung pawl vekin nunnak an neih le neih lo cu sience ti dan vekin tawl rel ding a tul thu, nauvon mi thawn pehpar mi sivai lam hawlhmuh mi vek a si le minung pawl vek in a dang ten DNA a um thu, cu mi cu a hram bun ih hawl bet ding a tul thu,” a rak sim. Sience le technology pawl mangbangza in a thangso tuk ko nain sience mifim pawl karlak ah minung sinak cu ziangtik caan ah a thok ti cu hmunkhat ih an hmuhtlang thei lo cu mangbangza a si thu mi tampi cun an hmu.

          Hi thuthang cu Aletia thuthang ih kan ngah mi a si.

https://bit.ly/2JUzWqH