A ni felfai ten khiah a si hrih lo nan Pope Francis Ukraine ah a feh men thei. (April 03, 2022)

A ni felfai ten khiah a si hrih lo nan Pope Francis Ukraine ah a feh men thei. (April 03, 2022)

         “Ralbuainak in thil rapthlak zet mi a can ter. Ralbuainak cu minung bang ih tuah mi a si lo ih minung thinlung um tu daan dodaltu a si. Ralbuainak hi Christian thinlung tiah kawh a si lo. Minung thinlung lawng a si. Rapthlak siatsuah duhnak thinlung cu Cain (Kaina) ih umtu daan a si. Vatican le keimah dinhmun in hi ralbuainak cawl dingah tuah thei mi zaten tuah sak ka duh. A thupibik in dungthluntu tidaan thawn tuah dingah a si.

         Curuangah Cardinal Parolin le Msgr. Gallagher pawl in zuam zet in an tuah. An tuah rero mi zaten phorksuak a ngah lo. Ralring ten tuah a tul. Curuangah tawkzawn in lawng tuah a theih. A dang caantha pawl sungin a tha zet mi khualtlawnnak pakhat cu Poland President in Cardinal Krajewski cu Ukraine ih thlah dingah ruahnak a pek thu a tarlang.

Cardinal cu Ukraine ah veihnih a rak feh dah ih mina phurhnak mawtaw a kengih an mah thawn a rak um. Veikhat a feh sal ding. Feh khal a duh zet. A tang lai mi khualtlawnnak pakhat cu Ukraine ka feh ding hi a si. Kei khal feh dingah tim ka tuah thu tlaitluang ten ka lo sim hai.

          Ka duh mi cu cui hmun ah a um ringring zo. Hi tiin a sim ih a hlan ah a um dah lo ti duhnak cu a si lo. Dinhmun ih zir in a feh a tul le Ukraine ah a feh ding. Tu ahcun tuah hrih lo ih timtuah men mi lawng a si lai. Russia Orthodox Biaknak lam hotu Kirill thawn tonawk a duh thu, ziangah tile a mah in hi ralbuainak cawl thei dingah zuam zet in a tuah rero tiin khal a rak ruah thu, a mah dinhmun in a ton khal le nisuahnak a lai lam ih tong dingah a sim thu cu thuthang suttu pawl ih thusuh mi pawl ah Pope Francis in a rak sim.

         Hi thuthang cu Rome Reports thuthang ih kan ngah mi a si.

https://bit.ly/38xHQ5T