Nigeria harsat nak thawn pehpar mi Pope Francis in mawh a phurh October 26, 2020

Nigeria harsat nak thawn pehpar mi Pope Francis in mawh a phurh

October 26, 2020

            Kan dung zarhah Nigeria ram ih ralkap pawl le duhporh tu pawl karlak a thupi mi zung pakhatah minung 40 hrawng an thih thu ram tinthu thawn pehpar mi zalen nak pawlkom in thuthang a rak suah. Hi hmuh ton mi harsat nak cu upadi daan phuaih ih thu neih nak hmantuk nakih a ra cang mi a si. Pope Francis in a dinhmun in Nigeria ram ah upadi daan pawlkom le mino duh porh tu pawl karlak ih a cang mi a thupi mi zung thawn pehpar in donhar in an hngak rero.

            Ziang vek a si khal le an tuah mi hremnak hrial in a dik lo mi ti daan pawl thawn thudik le mi tam thatnak hrangih tuah dingah Pathian hnen ah thlacam uhsi tiah a rak forhfial. Pope Francis in a voi 30 nak zarhkel ni ih Cathianghlim ruat in "Pathian duhdawt nak, inn hnen pawl duhdawt nak, mah le mah duhdawt nak cu thukham ih a thupibik mi tawhfung asi thu" Bawi Jesuh ih a rak sim thu a rak sim fiang.

            Mi hrekkhat cu thukham pawl a dik mi ti daan pawl thawn silhkhah dingah tha suah in an tuah. Asinain, Bawi Jesuh in nutuzia le Biaknak lam daan pawl harsatnak, tuahmawh awk ank ih thlun dinga ngah lo thu, duhdawt nak thawn co hlang  ih thlun ding asi thu Bawi Jesuh in a rak zirh. Zarhpi ni sun Angelus thlacam nak ih a cem nak ah tualrawn ih a thleng tu Pathian Biak khawm tu mal te pawl cibai buak phah in a rak sim. Covid nat nak ruangah mi burpi umnak rikhiah tuah ruangah Pathian Biakkhawm tu malte lawng an um. Himi thuthang cu Rome Reports thuthang ihsin kan ngah mi a si.

https://bit.ly/3oyc8bT